"Ju heqim shpenzimet, kthehuni ne Shqiperi"
E Enjte, 16 Prill 2009
Qeveria mori dje vendimin per te paguar shpenzimet e te gjithe studenteve shqiptare, te cilet do te pranohen ne 10 universitet me te mire te te gjithe botes. Por sipas vendimit te miratuar ne mbledhjen e radhes se Keshillit te Ministrave, kushti per te financuar studimet e studenteve ne keto universitete prestigjioze, eshte se pas kryerjes se studimeve keta studente jane te detyruar te kthehen ne Shqiperi, per te kontribuar shtate vjet prane administrates shqiptare. Ky vendim merret ne kuader te fondit te ekselences, per te mbeshtetur studentet shqiptare me rezultate te shkelqyera, qe arrijne te pranohen ne universitetet me te mira te Evropes dhe Shtetet e Bashkuara te Amerike, ne te gjitha nivelet e studimit, diplome e nivelit te pare, master dhe doktorature. Ne menyre te perseritur kryeministri Berisha, ka theksuar se qeveria qe ai drejton eshte e vendosur te kontribuoj maksimalisht ne sistemin e arsimit. Gjate takimeve qe kreu i qeverise ka bere me banoret ne komuna dhe bashki te ndryshme te vendit, ka theksuar se cdo femije i cili mbaron sistemin arsimor te detyrueshem, duhet te kete mundesite per te vazhduar shkollen e mesme dhe cdo i ri qe mbaron shkollen e mesme do te kete mundesi per te vazhduar studimet e larta. Po keshtu, kryeministri Berisha ka theksuar se gjate mandatit te tij te dyte qeverises, asnje studente nuk do studioje ne shkolle te parikonstruktuar.
nga Koha Jone.