"Administrata e Presidentit Obama, do te mbeshtese institucionet ne Shqiperi" Presidenti Bamir Topi dhe kryeministri Sali Berisha, takuan dje Zevendes/ndihmesin e Sekretarit Amerikan te Shtetit, Stjuart Xhons, i cili po zhvillon nje vizite zyrtare ne vendin tone. Gjate pritjes ne Pallatin e Brigadave, Presidenti e njohu Xhons me reformat e Shqiperise si dhe pergatitjeve per infrastrukturen zgjedhore. "Zgjedhjet e suksesshme parlamentare, do te jene te lira, te ndershme e te pakontestuara ne menyre qe Shqiperia te jape nje prove tjeter bindese, ne drejtim te plotesimit te standardeve dhe permbushjes se aspiratave integruese te popullit shqiptar", theksoi Topi. Nga ana e tij, Xhons e siguroi Presidentin Topi, se administrata e re amerikane e Presidentit Obama do te vazhdoje te mbeshtese pa lekundje, zhvillimin dhe konsolidimin e demokracise dhe institucioneve te pavarura, duke vleresuar rolin e rendesishem e te moderator te Shqiperise dhe faktorit shqiptar ne rajon, ne sherbim te qendrueshmerise. Ndersa kryeministri, Sali Berisha, i shprehu Xhons, mirenjohjen per Presidentin Obama, Sekretaren e Shtetit Clinton dhe administraten e Presidentit Obama, por dhe administraten e Presidentit Bush, per perkrahjen e jashtezakonshme dhe mbeshtetjen e madhe. Zevendes/ndihmes Sekretari Xhones, vleresoi ndryshimin e madh qe ka perjetuar Shqiperia, si dhe faktin qe tashme eshte nje faktor i rendesishem kontribuues ne paqen dhe stabilitetin ne rajon e me gjere, ne vecanti kontributin qe Forcat e Armatosura Shqiptare, po japin perkrah aleateve te tyre amerikane dhe te NATO-s ne Afganistan. Ne takim u diskutua edhe per zgjedhjet e ardhshme parlamentare.
Koha Jone.