Ndertoi mbi 707 mije arkivole, hyn ne 'Guinness"
E Merkure, 06 Maj 2009
AUSTRI- Nje austriak karpentier ka gjetur nje menyre vertet "makabre", per te hyre ne Librin e Rekordeve Boterore "Guinness". Gjate karrieres se tij mbi 30-vjecare, Herbert Veber, banues ne Salzburg te Austrise, ka ndertuar te pakten 707.335 arkivole per te vdekurit. Zyrtaret ne Salzburg te Austrise thane se ne krahinen e tyre, Herbert Veber ka qene i nderuar per ndertimin e me shume arkivoleve, se cdo zdrukthetar tjeter. Vete Verber, shpjegoi per mediat se kishte nisur karrieren e tij, duke ndertuar arkivole ne maj te vitit 1978 ne kompanine qe merrej me perpunimin e drurit, e quajtur Holzindustrie Moser, qe shtrinte aktivitetin e saj ne zonen e Bischofshofen. Behet e ditur se zyrtaret kane planifikuar ta nderojne zdrukthetarin 50-vjecar me nje certifikate te rekordeve boterore "Guinness", me qender ne Londer te Anglise. Ai do te kete shansin te behet pjese e librit te cudirave me te medha ne rruzullin tokesor, si dhe do te perfitoje disa te holla, me qellim qe te coje perpara arritjet e tij. Per nderimin e tij, organizatoret duket se kane zgjedhur nje moment shume kyc; Veber do te jete i ftuar ne Panairin e Funeraleve Nderkombetare, i cili ngre siparin diten e shtune ne Salzburg te Austrise. Ndoshta punetori i devotshem, nuk e di ende se cfare kane ndermend zyrtaret e krahines ku ai ben pjese. Rekordet "Guinness" jane pergjithesisht te vecante, por ky i Herbert Veber eshte me te vertete i pazakonte. Ende nuk eshte bere e ditur nese, njeherazi me numrin e madh te arkivoleve, Veber do te hyje ne histori edhe per dekorimin e "kafazeve" ku qendrojne eshtrat e te vdekurve. Ne Austri ka jetuar gjithashtu ne shekullin e VII edhe Frederik Vinkelmeir, mashkulli me gjatesine me te madhe te shenuar deri tani, 2.78 m. Me siguri, nese ai do te jetonte ne kohet moderne, do te ishte padyshim pjese e librit te famshem te rekordeve "Guinness".
Thu May 07, 2009 11:01 am
