"Më e rëndësishmja është: TË JESH NJERI"

Ngushëllime të afërmeve të të vrarit. Dua të shtoj edhe unë një gjykim në tërkuzën e pafund të specialistëve. Të jesh njeri në Shqipëri ka pak rëndësi.

E rëndësishme është të kesh një pushkë, apo të jesh President, kryetar partie, Kryeministër, të jesh kriminel, të jesh i poshtër, të jesh idiot. E rëndësishme është të mos kesh gjë mbas shpirtit e të shitesh për bos, të mos kesh tru e të shitesh për i mençur.
Është një ngjarje vërtet e rëndë.
Për mua, nuk qëndron problemi vetëm nëse është vrasje politike apo jo, por se sa vlerë ka jeta në Shqipëri dhe se si i zgjidhim ne problemet. Sa të sigurt jemi dhe se sa të bukur e kemi të ardhmen.

Pra, kur nuk kemi ende shtet ligjor, çfarë mund të presim më shumë?? Dëgjova deklaratat politike të liderëve të ndryshëm. Më vjen keq, por nuk dëgjova asnjë kumt, asnjë mësim. Vetëm fjali boshe që i dimë të gjithë. "Është ngjarje e rëndë", - thoshte njëri.
"Është ngjarje shumë e rëndë",- thoshte tjetri. Kaq?! A e pyesin veten që po bëhen shumë e shumë ngjarje, ku këta vrapojnë dhe japin ngushëllime e pastaj kthehen sërish, struken në strehët e tyre të gjirizit politik, e ndërkohë mbërrin krimi tjetër, tjetri, e kështu me radhë...

Ca të tjerë thonë "Opozita të mos spekulojë me vdekjen". Zakonisht kështu thonë ata që vetë bëjnë grushte shteti me vdekjen. Nëse është kështu, po bëj dhe unë një thirrje: "Shteti të mos spekulojë me heshtjen e PS-së".

Në të tilla raste është detyrë qytetare të dënosh aktin kriminal dhe të ngushëllosh familjarët, por gjuha vete ku dhemb dhëmbi.
E vërteta është që ne nuk kemi shtet, nuk kemi siguri, sado keq t'i vijë ndokujt për këtë. Shqipëria me standarde të NATO-s dhe aplikante për BE, nuk ekziston, përveçse në kokën e ndonjë të çmenduri që pushtetin e ka shndërruar në lodrën e tij të vetme të pleqërisë.

shum tem interesante dhe me shum rendesi dhe esht e domosdoshme qe ta theksojm pak se fjala njeri sot esht harruar krejt .sa krime ndodhin cdo dit cdo ore cdo minut sdo sekond sa keqtrajtime femijesh te papfajshem dhe femrave keqtrajtime akoma dhe ne permjet pjestareve familjar dhe gjera te tjera qe nuk i mban dot truri njeriut kto jan te gjitha resultate te pa njerezimit dhe te mos respektimit e te drejtave te njeriut .sot ne vitin 2009 ku ne do presnim gjerat te ishin rregulluar sot perqindia e krimit esht rritur kjo esht te vrasesh veten me te vertet . Sot shkenca dhe teknollogja po hecin me nje shpejtesi te jashtezakonshme kurse respektimi i te drejtave te njeriut po fundoset lidhjet e njerezve sot jan lidhje interesi .KALOFSHIT MIR

Pershendetie Erjola, ne kohet e sotme fatekeqsishte c'vlersimi i vleres njerzore ka arritur kulmin, saqe te ruash njerzellkun ne vetevete eshte luks dhe titull nderi! Pa kaluar ne rriedhen e dites ku kroinika e zeze na eshte bere pararoje dhe e zakont, duke u gdhir e ngrysyr me gjithe fare lajmesh te perlyera me gjak e vrasie, krime te shemtuara dhe kujtimin e prishjes se kodit familiar,ku rastet jane te shumellojshme.