"Akullorja më e mirë se seksi"

Akullorja eshte simbol i seksit dhe misterit, e krahasueshme dhe zëvendësuese perfekte e dashurisë.
Akullorja? Për shumë njerëz është një antistres më i mirë se seksi. Një veprues i mirë kundër mërzitjes, akullorja nuk shton as rrahjet e zemrës ashtu si seksi. Në studimin e fundit të bërë në Itali, nga antropologu Enrico Stecchi dhe Cremeria Motta, 7 në 10 italianë kanë në frigorifer një akullore dhe kjo ndikon si antistres për ta.
Italianët në studim janë përgjigjur se akullorja është një ilaç kundër shumë të këqijave: kundër lodhjes dhe stresit (64% e përgjigjeve), kundër mërzitjes (35%), pakënaqësive (29%); kundër shqetësimeve (24%), vetmisë (19%) dhe zemërimit (8%). Por jo vetëm.
Kur vjen fjala për akulloren, edhe seksi del në plan të dytë. Rreth 40% e të pyeturve mendonin se akullorja është mirë të shijohet bashkë me partnerit, ndërkohë që të tjerët mendonin se akullorja është një shije private që ja vlen ta shijosh kur je vetëm.
Rreth 45% e të intervistuarve zgjedhin akulloren për tu relaksuar, 21% për tu freskuar dhe 16% për tu ndjerë të lirë dhe për të hequr nga mendja mendimet e këqija. Për 30% akullorja ishte një sinonim i gëzimit dhe çlirimit nga dhimbja e kokës.
Të tjerë mendojnë se akullorja ka shumë kalori, por megjithëkëtë ata nuk do të hiqnin dorë nga ajo.
Sipas italianëve, akullorja është pjesë e bukurisë dhe fuqisë.
Nëse akullorja do të ishte një periudhë historike? Për shumë njerëz ajo do të krahasohej me Rilindjen. Dhe nëse do të ishte një kafshë? Ajo sigurisht do të ishte një mace, simbol i seksit dhe misterit, e krahasueshme dhe zëvendësuese perfekte e dashurisë.

shekulli.com