Burrel, Berisha shpall Shqipërinë monarki

Burrel, Berisha shpall Shqipërinë monarki






GJERGJ MARKU

BURREL - Që nga dita e djeshme sheshi kryesor i qytetit të Burrelit
do të mbajë simbolin e sundimit mbretëror të shekullit të kaluar, Ahmet
Zogu, bir i njohur i fisit të Zogollajve të Burgajetit të Matit. Prej
disa kohësh është hapur një debat i vazhdueshëm për vendosjen e një
monumenti të tillë, madje ku u vunë përkundër dy palë, njëra për të
hequr shtatoren e Skënderbuet dhe tjetra, që kurrsesi nuk duhej luajtur
me monumentin e udhëheqësit të para 5 shekujve. Me sa duket është
gjetur një rrugë e mesme që dy monumentet të qendrojne në dy sheshe
thuajse ngjitur me njëri-tjetrin dhe ku dominon për nga madhësia busti
i Zogut.


Pikërisht dje është përuar shtatroja e Mbretit Zog ne praninë e
Kryeminsitrit të vendit Sali Berisha si dhe monarkistë të shumtë e në
mes tyre dhe pretenduesi i fronit të mbretit princi Leka Zogu. Me nota
shumë pozitive është shprehur për mbretin Ahmet Zogu Kryeministri
Berisha duke nënvizuar se vendosja e kësaj shtatorje është nder për
krahinën e Matit dhe gjitha Shqipërinë. "Pavarësia u shpall në Vlorë,
tha Berisha, shteti i parë modern shqiptar nisi këtu në Mat me burrin e
madh Ahmet Zogu". Berisha pohoi se: "Mbreti Zog i shqiptarëve dhe
flamuri kuq e zi u bënë simbole të vetme të bashkimit të të gjithë
shqiptarëve, kudo që janë". Ai shto se Ahmet Zogu ishte mbreti i vetëm,
që pas luftës antifashiste nuk u lejua të vinte në atdheun e tij për të
cilin kishte bërë kaq shumë. Berisha nënvizoi se Mbreti Zog me
përpjekjet e vazhdueshme konsolidoi pavarësinë e Shqipërisë dhe ndali
popujt e tjerë për ndarjen e mëtejshme të saj.


"Gjate luftes, Mbreti Zog ia doli te organizoje rezistencen e shkelqyer
antinaziste, antifashiste, e cila u perfaqesua nga burra te vertete si
Abaz Kupi dhe burra te tjere te medhenj te kombit shqiptar, luftetare
te paepur te lirise dhe dinjitetit kombetar", ka theksuar Kryeministri.
Mos lejimi gjate viteve te komunizmit per t'u kthyer ne atdhe, kishte
sipas tij, nje sfond ndikimesh rajonale. "Armiqesia dhe qendrimi ndaj
Ahmet Zogut ishte armiqesi ndaj identitetit kombetar te shqiptareve,
armiqesi ndaj qenies se shqiptareve, ishte diktat i Beogradit, ishte
pjese e komplotit dhe skenarit nga klika hoxhiste, per te bashkuar
Shqiperine me ish-Republiken Federative te Jugosllavise", ka deklaruar
kryeministri.


Per ta mbyllur serish, me nje adresim mbreteror per Leka Zogun.
"Madheria juaj, Leka Zogu i pare, ndihem shume i nderuar qe ju jeni sot
ketu dhe se bashku nderojme mbretin Zogu i Pare. Une ju garantoj se
qeveria ime ushqen dhe do te ushqeje respektin dhe nderimin me te madh
per vepren e pavdekshme te Ahmet Zogut", ka shtuar Berisha.


Më pas Kryeministri Berisha dhe Princi Leka zbuluan së bashku shtatoren
5 metra të lartë që do të qëndrojë në sheshin "Demokracia" të Burrelit.
Pas ceremonisë legalistë të njohur të trevës së Matit puthnin shtatoren
të përlotur. Princi Leka dhe monarkistët pushuan në një nga lokalet e
qytetit, ndërkohë Kryeministri Berisha përurori nisjen e dy rrugëve,
atë nga Gjykata e Burrelit deri në unazën e këtij qyteti dhe rrugën nga
ura e Matit në drejtim të Selishtës, Dibër.

Mare nga gazeta Shekulli.

Berisha eshte komunist i keq. Ahmet Zogu nuk ka asgje me teper se Enver Hoxha.
"Gjate luftes, Mbreti Zog ia doli te organizoje rezistencen e shkelqyer antinaziste, antifashiste, e cila u perfaqesua nga burra te vertete si Abaz Kupi..." (po mbreti Zog ku ishte?...).
Ahmet Zogu ka vetem nje merite qe konsolidoi shtetin shqiptar, por nuk eshte figure per t'i ngritur monumente.

Fatkeqesishte ne shqiperi kohet e fundi ka nje fryme anti nacionaliste dhe anti brutale persa i perket figurave te shquara historike te vendit tone, kjo gje erdhi si pasoje e c'rregullimit te sitemit politik dhe dominimit te tije ne shume fusha te rendesishme kultururo-shkencore duke i nevlesuar ato.
Eshte mekat qe te krahasohet e te lavdohet "Ahmet Zogu" kur historikisht ai eshte faktuar qe nuk i ka ofruar asgje pozitive vecese nje c'vlersimi dhe shitjeje te rendomet te truallit shqiptare, ndersa sot "Ahmet Zogu" mere noten vlersuese me te larte se sa legjendari dhe i madhi SKENDERBE.