Denoncimi i rrallë i një burri: Gruaja më rreh, dua mbrojtje

Denoncimi i rrallë i një burri: Gruaja më rreh, dua mbrojtje



Një 51-vjeçar nga Tirana denoncon të shoqen për dhunë fizike dhe psikike. Gjatë dy muajve të fundit, shkon në tre numri i burrave që rrihen nga gratë

Elona Elezi

TIRANË – Në një realitet të dominuar nga fenomeni i dhunës kundër grave, ai është një kundërshembull. Është 51 vjeç dhe baba i dy fëmijëve, por është detyruar t’i drejtohet gjykatës, për të kërkuar mbrojtje nga gruaja e dhunshme. Burime të besueshme të policisë së Tiranës thanë se plotësuan kërkesëpadinë e babait të dy fëmijëve A. Bllaca, i cili ka denoncuar të shoqen për dhunë sistematike dhe kërcënime. Nga të tjera burime u tha se kallëzuesi ka pretenduar gjatë dhënies se deklarimeve të tij, se e shoqja, 42-vjeçarja M. Bllaca, ushtron ndaj tij dhunë fizike dhe psikologjike. Pas verifikimit të pretendimeve të të dëmtuarit, oficerë policorë të Komisariatit Nr. 1 plotësuan kërkesëpadinë për lëshimin e urdhrit të mbrojtjes. Ndërkohë që mësohet se po dje, kërkesa është depozituar në Gjykatën e Shkallës së Parë të Tiranës, ku në rolin e paditësit është 51-vjeçari. Shorti elektronik ka zgjedhur gjykatësen Fiqirete Mullaj, e cila do të shqyrtojë dhe kërkesën.

Kallëzimi

51-vjeçari A. Bllaca është paraqitur në ambientet e Komisariatit Nr. 1, ku ka kallëzuar penalisht të shoqen 42-vjeçare, M. Bllaca. Çifti mësohet se jeton në një banesë në rrugën “Gani Domi” dhe se ka dy fëmijë. Nga burimet policore mësohet se i dëmtuari ka pretenduar se e shoqja ushtronte dhunë ndaj tij prej pesë vitesh dhe në momentin kur “durimi” i tij ka arritur kulmin, ai ka vendosur ta denoncojë në polici. Sipas një tjetër burimi, u tha se rreth orës 10:00 të së mërkurës, pasi Bllaca ka dhënë kallëzimin e tij, oficerët kanë bërë gati kërkesëpadinë, e cila një ditë më pas ka mbërritur në Gjykatën e Tiranës. Shenjave të dhunës fizike u janë shtuar edhe pretendimet se, përveç rasteve të shumta të rrahjes, babai i dy fëmijëve kishte rënë pre edhe e dhunës psikologjike të së shoqes, e cila shpeshherë edhe e kishte kanosur dhe kërcënuar me jetë. Të gjendur përballë kësaj situate, punonjësit e policisë bënë gati kërkesëpadinë, në bazë të ligji 9669, për lëshimin e urdhrit të mbrojtjes.

***

Në bazë të të dhënave nga Gjykata e Tiranës, 51-vjeçari mësohet të mos jetë i vetmi rast ku burrat dhunohen nga gratë e tyre. Që nga shkurti i këtij viti, edhe tre meshkuj të tjerë synojnë të përftojnë lëshimin e urdhrit të menjëhershëm të mbrojtjes nga gratë e tyre. Bëhet e ditur se janë 177 gra dhe katër burra, që si pasojë e dhunës së ushtruar ndaj tyre kërkojnë mbrojtje nga drejtësia dhe policia. Gjithashtu, 40 orët e fundit, oficerë të Komisariatit të Kavajës plotësuan kërkesëpadinë për lëshimin e urdhrit të mbrojtjes së menjëhershme për 47-vjeçaren Kadrie Trimi dhe 20-vjeçaren Thëllënxa Skura, banuese në fshatin Vorrozen, sepse ish-bashkëshorti i Kadrie Trimit, 65-vjeçari Brahim Hoxha, ka ushtruar dhunë fizike e psikologjike ndaj tyre. Ndërsa rreth orës 08:30 të së mërkurës, agjentë policorë të Komisariatit Nr. 4 plotësuan kërkesëpadinë për lëshimin e urdhrit të mbrojtjes së menjëhershme për 37-vjeçaren Alba Malile, sepse bashkëshorti i saj, Spartak Malile, 42 vjeç, ka ushtruar dhunë fizike e psikologjike ndaj saj.





Gjyqi



Burri i dhunuar, caktohet gjyqtari

Tashmë do të jetë radha e togave të zeza të gjykatës, që do të vendosë ose jo për lëshimin e një urdhri mbrojtjeje ndaj A. Bllacës. Ditën e sotme pritet të jetë edhe seanca e parë, e cila do të gjykohet nga gjyqtarja Fiqerete Mullaj, e përzgjedhur nga shorti elektronik. Ndër masat që merren zakonisht nga drejtësia, pas aprovimit të lëshimit të urdhrit të menjëhershëm të mbrojtjes, është së pari ndalimi i palës tjetër që të cenojë, ngacmojë, kontaktojë apo komunikojë drejtpërdrejt apo tërthorazi me paditësin.



Mare nga gazeta Korrieri.

me te veret vendi i gruas sot ka ndrushuar dhe ajo ka arritur tja dal mban ne shum gjera te veshtira dhe nje nga ato esht politika .por qe te arri nje grua te rrahi nje burr kjo esht shum cudi se gruaja dhe burri jan njesoj por ne vetmen gje qe ndryshojn esht fuqia muskullare burri vet nga natyra ka me shum fuqi te till prandaj ben pun me te veshtira