Aeroplani francez zhduket mbi Oqeanin Atlantik

Aeroplani francez zhduket mbi Oqeanin Atlantik

Një avion francez me 228 vetë në bord dhe që udhëtonte nga Brazili në Francë është zhdukur mbi Atlantik si rezultat i një rrufeje, thonë autoritete të Air France.

Airbus dërgoi një mesazh automatik në orën 0214, sipas orës së Grenuiçit, katër orë pasi u largua nga Rio De Zhaneiro.
Ai ishte mbi oqean kur u zhduk, duke vështirësuar kërkimet nga avionë të tjerë francezë dhe brazilianë.
Air France ka ngritur një Qendër për Krizën për të afërmit e udhëtarëve.
Një ministër francez i tha radios France Info se avioni ishte zhdukur si nga radarët ushtarakë, ashtu dhe ata civilë dhe se aktualisht do t'i kishte mbaruar karburanti.
Ministri francez përgjegjës për transportin, Jean Louis Borloo, përjashtoi mundësinë e rrëmbimit të avionit si shkak të humbjes së avionit.

Avioni AF 447 u largua nga Rio në orën 19 sipas orës lokale, të dielën. Ai kishte në bord 216 pasagjerë dhe 12 ekuipazh, midis tyre 3 pilotë.
Midis pasagjerëve kishte një të sapolindur, shtatë fëmijë, 82 gra dhe 126 burra.
Detajet e kombësive të pasagjerëve nuk janë liruar menjëherë, por besohet se një numër italianësh dhe britanikësh ishin midis francezëve dhe brazilianëve.
Kërkim i gjatë
Airbus 330-200 pritej të arrinte në Paris në orën 1110 sipas orës lokale.
Thuhet se ai u zhduk rreth 300 km në verilindje të qytetit brazilian të Natal-it.
Zëdhënësi i forcës ajrore braziliane, kolonel Henry Munhoz tha për TV brazilian se avioni nuk ishte kapur nga radarët në Ishujt e Cape Verde dhe konfirmoi se forcat ajrore braziliane ishin nisur nga Fernando de Noronha për të kërkuar për avionin.
Zoti Borloo tha se avionit duhet t'i kishte mbaruar karburanti.
"Do të jetë një histori e gjatë dhe e dhimbshme," tha Douglas Ferreira Machando, personi që drejton hetimin.
"Kutia e zezë do të jetë në fund të detit".
Një zëdhënëse e Air France tha se nuk kishte patur kontakt me avionin për një periudhë të gjatë kohe.
Qendra e krizës
Një nga punonjësit e Air France i tha AFP-së se njerëzit që po pritnin në aeroport për të afërmit do të qëndronin në një zonë të veçantë të aeroportit Charles de Gaulle.
"Dua të them se çdo person në Air France është tepër i tronditur dhe ndan dhimbjen e të afërmve të pasagjerëve. Ne do të bëjmë çfarë është e mundur për t'i ndihmuar ata," premtoi zoti Gourgeon.
Presidenti francez, Nicolas Sarkozy shprehu shqetësim të thellë dhe i bëri thirrje autoriteteve përkatëse të bnin ç'është e mundur për të gjetur avionin, tha zyra e tij.
Ky është incidenti i parë i madh në hapësirën ajrore braziliane që kur një avion i linjës Tam u rrëzua në San Paolo në korrik të 2007 duke vrarë 199 vetë.


Shefi ekzekutiv i Air France Pierre Henri Gourgeon foli me gazetarë në selinë e linjave ajrore, në Paris,në aeroportin Charles de Gaulle


Të afërmit dhe miqtë e pasagjerëve të fluturimit Air France AF447 mbërrijë në qendrën e krizës në aeroportin Charles de Gaulle pranë Parisit


Mare nga Bota sot online.

kjo esht nje gje shum e llaftarshme per zotin dhe nje gje e pa pritur sepse aeroplani nuk kishte ndo nje problem por nga nje rrufe u shkaktuan te gjitha ca te them me me vjen me te vertet shum keq dhe ngushellimet e mia nga zemra ca ti besh vdekjes nuk mund ti shmsnget as nje njeri ne shum gjera ka arritur njeriu tja dal mban por vdekjes jo PERSHENDETJE NGA ERJIOLA