Çiljeta flet për homoseksualitetin e Shpatit

Nata gala tek “Netët e klipit” u kthye ne nje feste te vertete kur te gjithe artistet mbas spektaklit u mblodhen në darkë duke kërcyer dhe kënduar. Dhe padyshim edhe këtu Çiljeta do të tërhiqte vëmendjen e paparacit tonë. Ajo është fotografuar duke kërcyer me Shpatin, me të cilin siç e shikoni edhe vetë nga fotot duket se ka marrëdhënie të mira madje edhe konfidencila. E pyetur për kolegun e saj maqedonas, Çiljeta tregon se me Shpatin njihet prej kohësh dhe e ka mjaft mik. Madje shpesh ata të dy kanë bërë plane për të bërë një duet së bashku por deri tani nuk kanë konkluduar diçka konkrete. Mbase edhe për faktin se njëri banon në Shqipëri dhe tjetri në Maqedoni. Çiljeta tregon se me të gjithë kolegët e saj këngëtarë ka marrëdhënie shumë të mira duke lënë mënjanë idenë se ata janë konkurrentë në treg dhe mund t’i marrin suksesin njëri-tjetrit. Një tjetër kuriozitet donim të shuanim nëpërmjet prononcimit të Çiljetës e cila shkon kaq mirë dhe i njeh kolegët e saj. Duke u kthyer tek Shpati për të cilin kohët e fundit është thënë sikur ai ka preferenca homoseksuale, ishim kuriozë të dinim se çfarë mendon Çiljeta. “Nuk mund ta besoj asnjëherë se Shpati është homoseksual. Nuk kam parë asnjë shenjë të tillë dhe mbi të gjitha ai ka një të dashur shumë të bukur, fakt që i shuan të gjitha këto dyshime. Por ju e dini se në botën e artit ka edhe shumë thashetheme. Unë personalisht nuk e besoj.”, përfundon ajo. (PANORAMA PLUS)