Tirane- Prokuroria e Tiranes ka mbyllur hetimet per dy te pandehurit e akuzuar per falsifikim te dokumenteve shkollore. Dosja hetimore "Diplomat", ne ngarkim te Franc Boroves dhe Roland Papaproko eshte derguar ne Gjykaten e Tiranes. Pas hedhjes se shortit elektronik dosja i eshte caktuar gjykatesit Altin Abdiu. Ky i fundit do te vendose nje date si dhe oren per seancen e pare gjyqesore. Ndersa do te njoftoje palet per te qene prezente ne seance. Dy te pandehurit rane ne pranga gjate kohes kur ata po prodhonin nje vule me mbishkrimin "Ministria e Mbrojtjes, Dega Mobilizimit" dhe nje deftese pjekurie te shkolles se Mesme te Pergjithshme "Partizani". Nderkohe qe pas kontrollit te ushtruar ne banesen e tyre, policia sekuestroi ne cilesine e proves materiale nje vule te Drejtorise se Policise se Qarkut Tirane, nje vule e Pikes se Kalimit Kufitar Kakavije, nje vule e Ministrise se Mbrojtjes, Dega Mobilizimit, dy vula te institucioneve joqeveritare, nje diplome e UT-se, Fakulteti Ekonomik, se bashku me listen e notave, tre leje drejtimi te vulosura te paplotesuara qe dyshohen te falsifikuara, si edhe nje sasi materiali flete gome dhe vegla te ndryshme qe perdoren per prodhimin e vulave. Mbi dy te pandehurit prokuroria ka ngritur akuzat e "falsifikimit te dokumenteve shkollore kryer ne bashkepunim", "falsifikim te vulave stampave dhe formulareve kryer ne bashkepunim".
R. C.
Koha jone
Wed Oct 21, 2009 4:27 pm