Berisha: Legalizim martesave gay

Berisha: Legalizim martesave gay


E Enjte, 30 Korrik 2009

Kryeministri Sali Berisha, deklaroi dje se ka marre nje draft per te luftuar diskriminimin e pakicave me corientim seksual dhe paralajmeroi se do te hedhe per miratim ne Kuvend, nje ligj qe perfshin edhe martesat brenda gjinise. Informacioni i publikuar nga Berisha, qe menjehere ngjalli debate, erdhi ne kundershtim me hartuesit e draftit. Elsa Ballauri, kryetare e Forumit per te Drejtat e Njeriut, i tha dje gazetes "Koha Jone", se ky projektligj i pergatitur prej tyre dhe diskutuar nga disa organizata te tjera, nuk e ka perfshire opsionin e martesave brenda gjinise. Edhe Aurela Anastasi, drejtore e Komitetit Shqiptar te Helsnikit, tha se ne draftin e shqyrtuar, nuk ekziston nje pike qe te sanksionoje me ligj, martesat gay.

Berisha

Kryeministri, ka prezantuar dje ne mbledhjen e Komitetit Nderministror per Integrimin plan veprimin per dialogun e liberalizimit te vizave, prej te cilit do te nxirret raporti perfundimtar mbi ceshtjet qe mbeten per t'u plotesuar nga Udherrefyesi qe permban kushtet qe duhet te plotesoje Shqiperia per liberalizimin e vizave. Ne fund te fjales se tij, Berisha tha se nje ligj tjeter eshte shume i rendesishem kunder diskriminimit. Ai lajmeroi se ky ligj eshte ofruar nga shoqeria civile dhe ka te beje me te drejtat e pakicave te qendrimeve te caktuara.

Kryeministri pranoi se ndonese "ky ligj i pergatitur nga shoqeria civile eshte ne Parlament", "duhet te shihet se cilat do te jene qendrimet dhe sa do te mund te favorizohen ato". Duke shprehur opinionin e tij lidhur me draftin, Berisha tha: "Une mendoj se pavaresisht nga debati qe mund te ngjalle ky ligj, diskriminimi eshte i papranueshem. Ky ligj ka te beje me te drejtat e martesave brenda gjinise dhe probleme te tjera te kesaj natyre. Kjo synon thjesht vendosjen mbi baza ligjore dhe jo diskriminuese, te nje te drejte tashme teresisht te ligjeruar ne vendet evropiane".

Ne kete pike, Berisha beri thirrje qe "ky ligj te shqyrtohet me seriozitetin me te madh, pasi eshte nje standard qe gjykoj se zhduk nje lloj diskriminimi". Kete, Berisha e justifikoi me faktin sipas tij, se "ketu nuk ka nje qendrim armiqesor ndaj ketyre pakicave" dhe perforcoi: "Fatmiresisht, nuk ka nje qendrim armiqesor mediatik dhe kjo eshte nje arritje e vertete. Ky eshte nje standard, i cili ka te beje qartesisht me te drejtat e njeriut dhe qe ka mbeshtetje ne konventat ne te cilat vendi aderon dhe eshte e detyruar t'i respektoje. Vertet qe ne nuk i ndalojme keto martesa, por keto nuk ndodhin sepse eshte opinioni. Me mire te veproje ligji, sic veprohet me te gjitha perkujdesjet per te zhdukur diskriminimin".

Ballauri-Anastasi

Reagimi i organizatave qe merren me te drejtat e njeriut, ka qene i menjehershem. Te pyetur nga "Koha Jone", ata jane shprehur se jane pro draftit qe parashikon shmangien e diskriminimit te nje kategorie pakicash ku futen dhe homoseksualet, por shtuan se nuk kane kerkuar martesat brenda gjinise. Elsa Ballauri, kryetare e Forumit per te Drejtat e Njeriut, i tha dje gazetes "Koha Jone", se projektligji eshte pergatitur prej kesaj organizate dhe eshte duke iu dhene dora e fundit. Duke cituar edhe drejtuesin e nje tjeter shoqate per te drejtat e njeriut, Altin Hazizaj, Ballauri tha se asnje prej tyre, nuk ka kerkuar ose perfshire ne projektligj, opsionin e marteses brenda gjinive. "Ne nuk e kemi te perfshire martesen brenda homoseksualeve si nen te mundshem te projektligjit", - tha Ballauri. Ajo shtoi se kjo nuk eshte bere se Forumi qe ajo drejton apo organizatat e tjera per mbrojtjen e te drejtave te njeriut, jane pro ose kunder martesave gay, por theksoi se "Shqiperia eshte ende e papergatitur per nje hap te tille".

Te njejten gje deklaroi edhe drejtorja e re e Komitetit Shqiptar te Helsinkit, Aurela Anastasi e cila vjen ne kete detyre, para pak muajsh, pasi ish-drejtorja Vasilika Hysi, kandidoi dhe fitoi si kandidate per deputete e Partise Socialiste. Hysi, ishte numri 1 i PS ne listen e kandidateve, perballe Sali Berishes nga PD. Duke folur mbreme me "Koha Jone", lidhur me draftin, Anastasi tha se gjate gjithe shqyrtimit te draftit, nuk kishte konstatuar ndonje nen qe te perfshinte martesat brenda gjinise.

Pervoja e BE

Tre vende nga 27 evropiane, Holanda, Belgjika dhe Norvegjia e kane te ligjeruar martesen homoseksuale. Nje perpjekje e njejte tek fqinji yne Italia ka ngjallur reagimin e forte te Vatikanit. Edhe ne Shqiperi ato qe ngjallin reagim te kundert jane padyshim institucionet fetare. Si Kurani dhe Bibla jane perdorur si argumente te forta kunder marteses homoseksuale ne bote.

Prezantimi i nismes, ministrat shperthejne ne gaz

Pervec debatit publik qe ka ngjallur projektligji per martesat mes homoseksualeve ne vendin tone, pa shperthyer ne te qeshura gjithsesi te permbajtura, nuk mund te qendronin dje, ndersa kryeministri proklamonte draftin, edhe ministrat aktuale, te pranishem ne mbledhjen e radhes se qeverise. Nuk mbeti pa e shoqeruar fjalen me nje buzeqeshje te lehte as vete kryetari i qeverise, prane te cilit mezi e mbanin te qeshuren, ministrat Lulzim Basha, Majlinda Bregu dhe Gazmend Oketa. Buzeqeshje e forte dallohej edhe te Genc Ruli e ministra te tjere. Mesa duket, edhe ata i ka surprizuar ky projektligj, qe ne njefare menyre, pervec shuarjes se nuancave te diskriminimit, kerkon edhe qasjen ne Bashkimin Evropian. Ca me teper, Bregu iu kthye dhe gazetareve duke qeshur lehte, disi e habitur nga "surpriza". Por toni serioz me te cilin foli Berisha, i frenoi ministrat qe te shperthenin ne gaz. "Pavaresisht nga debati qe mund te ngjalle, diskriminimi eshte i papranueshem", - u shpreh kryeministri, i cili kerkoi gjithashtu qe martesat mes personave te se njejtes gjini te mos paragjykohen.

Batutat e Berishes per Ramen:

"Fotot e Rames lakuriq, kane qarkulluar ne kater vende te botes. Nuk eshte Berisha kurre qe e ka fotografuar, as ka derguar ndonje ta beje. Ka qene minister kur ka dale nudo. Ai filloi orgjite kolektive, per gjashte muaj resht, vete i gjashti. Ia dine te gjithe njerezit e asaj kohe. Une nuk e kam filmuar, por dihen si ngjarje.

(Marre nga "Opinion")