Lushnje:Sherr per posterat,ndalohet Kica me arme

Sherr per posterat,ndalohet Kica me arme

Arben Kica është ndaluar prej policisë së Lushnjes pasi gjatë kontrollit që i është ushtruar është kapur me pistoletë që e mbante pa leje. Lajmi konfirmohet nga drejtues të policisë qarkut Fier.

Sipas këtyre burimeve mësohet se mesditën e sotme dega e PS-së Lushnje po ndryshonte disa postera kundrejt marrëveshjes pasi sot kryen miting kreu i kësaj partie Edi Rama. Për të kryer këtë punë policia bashkiake është mbështetur nga policia e rendit. Gjatë ndërrimit të posterave militant të PD-së kanë debatuar me militante të PS-së. Konflikti ka arritur deri në përplasje fizike. Për ndërrimin e posterave, pohojnë burimet zyrtare të policisë ishin vendosur edhe shirita në qëndër të qytetit me qëllim pengimin e kalimit të automjeteve dhe parkimin e tyre. Në punë e sipër shtetasi Arben Kica ka qënë me automjetin e tij tip benz me targa Lushnje. Ai ka hyrë në zonën e ndaluar. Pasi është ndaluar prej policisë se rendit i është bërë kontroll fizik ku i është kapur e sekuestruar në cilësinë e provës materiale edhe një armë zjarri tip pistoletë. Ai është shoqëruar për në polici por nuk dihet ende nëse do të dalë një urdhër ndalimi ndaj ti apo jo, pohon policia e këtij qyteti. Për këtë fakt ata kanë pohuar se shtetasi Arben Kica ka statusin e mbrojtjes se dëshmimtarit si dëshmimtar kundër krimeve që ka kryer banda e Lushnjes.



Fieri.Com / Xhemil Beharaj