Ku ta gjesh burrin e duhur

Ku ta gjesh burrin e duhur





Kërkimi i atij mashkullit ideal po ju zgjat më shumë nga sa e kishit parashikuar? Ne jemi përpjekur të kuptojmë se ku fshihen burrat. Ja ç’kemi zbuluar dhe ua këshillojmë atyre që janë ende vetëm

Nëse mendoni të gjeni një burrë që është i lirë pasi të keni kaluar të tridhjetat, është si të shkoni në treg në orët e pasdites e të gjeni ende fruta të freskëta; kjo nuk është udhë që bën për ju. E vërtetë është që meshkujt janë me pakicë: nuk janë kurrë gati të bëjnë jetë në çift apo kanë bërë më parë... dhe ata që mbeten, nuk shihen më vërdallë.

Ne jemi përpjekur të bëjmë një lloj harte të vendeve ku mund t’i gjejmë apo të zbulojmë se ç’duhet bërë apo shmangur për të njohur njerëz interesantë. Problemi nuk është të gjejmë një njeri për të bërë seks. Problemi është të gjejmë një njeri me të cilin është bukur të darkosh. Një njeri me të cilin, kur njihesh, dëshiron të dalësh për darkë dhe pasi të dalësh, do që ta takosh përsëri. Ja sugjerimet.



Hapi i parë: stop pretendimeve

I bukur, i pasur, sportiv, me shëndet të mirë. Nuk ka të tillë vërdallë. Duhet të dorëzohemi. Në fakt, po të mendoni historitë e shkuara, kur na i paskan plotësuar këto kritere?!... Mund të kujtosh që dikush që e ke dashur shumë, e kishte lënë shkollën përgjysmë apo ai që doje të fejoheshe dhe të theu zemrën, nuk ishte i bukuri i dheut. Na duhet të shkojmë përtej aparencave.



Harta Girls Generated

Nëse qëllimi është të gjeni një burrë, duhet që mbi të gjitha të jeni të vendosura të qëndroni larg femrave për ca kohë. Palestra dhe kurset e kërcimit, teatri, një panair i librit... Mjafton të vrisni pak mendjen dhe të bëni një hartë me dhjetë vendet më të mira në qytet (duke përjashtuar këtu pabe dhe klube të ndryshëm) ku mund të njihni njerëz interesantë.



Internet me doza të vogla

Mos humbisni kohë me agjencitë martesore online: mund të gjeni vetëm njerëz me vese apo me flokët e lyera me reflekse të kuqe. Pastaj nëse në fushën përballë do të fusnit kërkesën për t’u njohur vetëm me të diplomuar, që nuk pinë duhan dhe që banojnë dhjetë hapa larg jush, sistemi do t’ju informonte se nuk ekzistojnë njerëz që i kanë këto kritere. Gjithsesi, interneti funksionon vetëm nëse jeni më pak se tridhjetë vjeç, nëse doni vetëm të argëtoheni dhe keni mjaft kohë për të harxhuar. Por një nga avantazhet është se nuk jeni të detyruara të takoni askënd, derisa të jeni gati.



Aktivitetet për beqarë

Deri tani për këto gjëra kishim dëgjuar vetëm të flitej... Por tashmë edhe tek ne kanë nisur të promovohen të tilla aktivitete, si vrapi i organizuar për njohje të reja. Përvoja tregon se përgjithësisht në këto aktivitete ka femra të mrekullueshme dhe meshkuj zhgënjyes. Mosha mesatare mund të jetë e lartë ose moshë e deklaruar – siç ndodh online – paksa e ndryshme nga ajo reale. Problemi tjetër i këtyre aktiviteteve është se mund të bëjnë të ndihesh si “në kurthin e dëshpërimit”. Por gjithsesi mund të kalosh njëherë andej... “in incognito”, me justifikimin se po shoqëroni një mikeshë.



Kurset ideale

Tani besoj se e keni kuptuar që meshkujt nuk bëjnë joga. Do të ishte ideale ta bënin: mund të fillonit një bisedë të këndshme teksa qëndroni ulur mbi tapet, se sa i rëndësishëm është meditimi dhe sesa tip me këmbë në tokë jeni (pra mëse e përshtatshme për martesë)... Nejse, kjo është fjali kushtore... Ajo që dimë me siguri, është se nëse nuk preferojnë jogën, ka mjaft djem që ndjekin të tjera kurse. Gjuhët e huaja apo kompjuteri dhe fotografitë janë argumente të mira për të krijuar miqësi të reja. Dhe frekuentimi i shpeshtë i tyre është rast ideal për të gjetur këto mundësi. Në fund të fundit, dhe nëse nuk do arrinit qëllimin që i keni vënë vetes, do dilnit me një tjetër diplomë në xhep, që do t’ju shërbejë jo pak në të ardhmen.



Zhytuni në... sport!

Nëse dëshironi një lidhje të lumtur me një burrë, duhet të dini se sportet ndahen në dy grupe: ato që edhe ju mund t’i bëni dhe ato që nuk mund t’i bëni. Futbolli është sigurisht shembulli më i keq i grupit të dytë. Një sport që s’të ngjall aspak shpirtin konkurrues dhe që është mëse i përshtatshëm për këtë “hallin” tonë, është zhytja në ujë: një ambient mjaft mashkullor, por që u pëlqen edhe femrave.

Pastaj, kur vjen puna te sportet, mund të përftoni edhe nga vendet ku ato bëhen pa u përfshirë edhe vetë. Nuk e kishte keq Ovidi që këshillonte frekuentimin e garave si vendin e duhur për të gjetur partnerë: mjafton që të informoheni paraprakisht për ata që garojnë. Gara kuajsh e qerresh nuk ka më, por kjo nuk ju pengon aspak që bashkë me mikeshën tuaj të ndiqni në një lokal të dielën në drekë garën e radhës të Formula 1...

Dhe nëse filloni e bëni pak tifo për makinën që bën edhe dikush në tavolinën ngjitur, vëmendjen e keni të garantuar. Me ndeshjet e futbollit është pak më e vështirë, por gjithsesi jo e pamundur. E vetmja gjë që duhet të keni parasysh këtu, është se nuk mund ta tërhiqni vëmendjen me anë të sharmit tuaj: mjafton të dukeni e interesuar për skuadrën (të tijën sigurisht) dhe u bë!



Si të martohesh me një milioner“E pra, si?!” – mund të pyesni. Po shihni njëherë filmin, jo për t’u argëtuar dhe të qeshur me gafat e tre mikeshave njujorkeze, as për të admiruar Marilyn Monroe-në, por për të mësuar filozofinë e tyre: që të gjesh një burrë të pasur, duhet të frekuentosh ambientet ku rrinë këta burra. E meqë Tirana e viteve 2000 nuk është Nju Jorku i viteve ‘50 dhe ju në fund të fundit nuk po kërkoni një miliarder që merret me tregtinë e naftës, por një 35 – 40-vjeçar me të ardhura të mira dhe të veshur bukur, ju mbetet që këtë “princ të kaltër” ta kërkoni në ato vende ku mblidhen princat e kaltër që vishen me kostum të zi, këmisha me button manchette e kollare “Hermes”: konferenca, seminare, takime biznesi, mëngjese pune... Lobet e hoteleve kryesore janë vendi i duhur për një takim “të rastësishëm”. Sajoni një punë andej rrotull. Ka njëmijë arsye pse mund të merrni pjesë në këto konferenca. Pastaj, nëse do keni veshjen e duhur (serioze e diskrete, ama me detaje femërore), askush nuk do guxonte të mendonte qëllimin tuaj të vërtetë. Dhe mbi të gjitha një këshillë: askujt mos ia thoni qëllimin që i keni vënë vetes. Tregohuni e painteresuar. Ju thjesht keni punë. Të tjerat lëruani në dorë fatit dhe princave të kaltër.

hajde edmond hajde u bere si ato plakat kur hedhin fall me letra

Glori emrin e saktë e kam ETMOND, me T-ë dhe jo me D-ë siç e ke përmendur më sipër.
Ok deri diku e pranushme puna e fallxhores dhe e kafes së lexuar për fat, mirpo do ti preferoja më shumë këta që përmënde sesa të lexoja dhe të mësoja për këtë tragjedi që ka ndodhur dhe është përmbledhur ne shkrimin këtu.
Një fjalë e urtë popullore thotë: fol me goj e mos me dorë!!!
Dhe diçka akoma, mos e shiko botën ashtu siç do dhe e mendon ti, mundohu të bashkohesh me realitetin që është shumë më ndryshe. Se po të nisim nga shembujt se si i gjejnë BURRAT ne atdhe vajzat, do behet një lëmësh i madh dhe do të na duhen shumë më shumë fallxhore për ta shtielluar muhabetin pastaj.....

ok ok ok ok etmond sa shpejt u nxehe more djale pse nuk e di une bera vec shaka
haaaaa haaaa haaaaaa

Ok se une nuk jame ndonje perbindesh, mos e mere c'do gje "kash" edhe ti. une per diskutim me teper e postova dhe ja shiko te ngjalli interes. Apo jo Gloria....

Hi guys!!!
Ckeni mo pse merziteni , mos i merni gjerat kaq seriozisht, sepse do bejme dhe ndonje shaka qe te kalojm kohen.Nuk duhet ti shikojm gjerat bardhe e zi , jeta eshte e mbushur plot me ngjyra prandaj mos u merzisni per gjera te kota.



Ciaoooo!!!

ashtu i thashe edhe une pa he pa he e merrka seriozisht i gjori

Asnjeri nga ne nuk eshte i persosur. Te gjithe kemi dhe te mira por dhe te meta, dhe ndonjehere nxehemi shpejt por sic thame dhe me lart "nuk ja vlen barra qirane". Ndonjehere ndodhin dhe keqkuptime. Mos harro, se Etmondi perpiqet te shkruaj sa me shume duke i kushtuar shume vemendje forumit, dhe kjo eshte dhe humbje kohe per ate . Pra ne vend qe ti bejme kritik, duhet ta falenderojm per punen qe ben.

Pershenendetie te gjitheve.
Me sa shoh qenkam keqkuptuar!? Megjithate nuk ishte ky piksynimi ime dhe vec kesaj nuk ka perse te "NXEHEM" perkundrazi them dy here respekte per te gjithe plus me teper per femrat. Keshtu s'ka pse te keqkuptohet reagimi im, ishte besoj nje shpjegim dhe jo nje kundrapergjigje!? Thash respekt....


Nje pershendetie humoristike.



Dy bjonde bisedojne me njera-tjetren.
e para-Bera testin e shtatzanise
e dyta-Kishte pyetje te veshira?
-------------------------------------------------------------------------------------------------------------


Dy shoqe bjonde ndeshen në një stacion autobuzi. Fillojnë të bisedojnë. Pas pak pyesin njëra tjetrën se cilin autobuz po prisnin.

- Unë pres autobuzin nr.1 ,- thotë njëra

- Ndërsa unë atë me numër 3 ,- thotë tjetra.

Pas pak vjen autobuzi me nr 13. Shoqet të dyja panë njëra tjetrën në fytyrë dhe të egzaltuara thërrasin:

- Ua sa mirë na erdhi autobuzi për të dyja në një kohë

nje gje etmond une kam respekt per ty sepse ti jep nje kontribut te
madh per forumin e lushnjes, por eh lajme ka sa te duash o djale i kam
lexuar te gjitha postimet e tua, je shume shume shume i pergatitur,
meriton edhe lavderime, por nje gje mos e harro mos ki frike kur tjetri
te thote eh vetem per shaka, mjafton qe edhe ti te marresh pjese ne
shakate e tjetrit dhe ta bejme sa me te gjalle atmosferen.


epo
shume shume keshilla ka per te gjetur nje burre, e di se cfare do te
bej une do te shkoj me mire tek nje psikolog, dhe ti them -cfare ju ka
terhequr te grate kur i merr ne terapi, atehere do mesoj prej tij se si
te gjej nje burre . ok mos i merr te gjitha seriozisht more djale jeta nuk eshte vetem merzitje. ciao