Qeveria i dorezon NATO-s, patrullimin e hapesires ajrore
E Enjte, 07 Maj 2009
Qeveria shqiptare mori dje ne mbremje vone nje vendim per patrullimin e hapesires ajrore nga forcat ushtarake te Aleances se Atlantikut Verior (NATO). Sipas vendimit, "ne mbeshtetje te neneve 81, pika 1, 83, pika 2, dhe 100, te Kushtetutes, me propozimin e ministrit te Mbrojtjes, Keshilli i Ministrave, vendosi propozimin e projektligjit "Per patrullimin e hapesires ajrore te Republikes se Shqiperise", per shqyrtim dhe miratim ne Kuvendin e Republikes se Shqiperise, me procedure te pershpejtuar".
Ky vendim hyn ne fuqi menjehere dhe pritet qe te kaloje me emergjence ne Parlament. Projektligji qe nuk pritet te perballet me debate nga deputetet, sanksionon lejimin e kryerjes se patrullimit te hapesires ajrore te Republikes se Shqiperise nga forcat ajrore te Aleances se Atlantikut te Veriut (NATO). Nderkohe, autorizohet Keshilli i Ministrave te lidhe marreveshjet perkatese me strukturat e NATO-s, per zbatimin e ketij ligji. Drafti parashikon se ky ligj zbatohet deri ne castin kur Republika e Shqiperise do ta kryeje vete patrullimin e hapesires se saj ajrore. Ligji, hyn ne fuqi 15 dite pas botimit ne "Fletoren zyrtare". Kjo nisme ligjore vjen vetem pak jave pasi vendi yne u be anetar me te drejta dhe detyrime te plota ne Aleance. Ky organizem ushtarak, ka si mision te tij primar, sigurimin e hapesirave territoriale te shteteve ne gjirin e saj dhe ligji qe po kalon ne Kuvend, vjen pikerisht ne kete linje.
Nga Koha Jone