Çamçakëzët ndihmojnë në mbajtjen mend

Përtypja e çamçakëzit mund t’i nervozojë mësuesit, por ama
është e vërtetë se kjo ndihmon në përmirësimin e memories së nxënësve.Studimet
e fundit thonë se përtypja e çamçakëzit në klasë ose gjatë realizimit
të detyrave të shtëpisë përmirëson nivelin akademik të adoleshentëve.

Hulumtimet e fundit të zhvilluara nga kompania amerikane e çamçakëzëve,
William Wrigley Jr. Co., janë zhvilluar në 108 nxënës të klasës së tetë
në orët e matematikës.

Ata i kanë ndarë nxënësit në dy grupe, një grup që ka përtypur çamçakëz
Wrigley pa sheqer gjatë orës derisa i kanë bërë detyrat dhe derisa kanë
bërë test më pas, dhe një grup tjetër që nuk ka përtypur.

Nxënësit të cilët kanë përtypur për 14 javë çamçakëz në klasë dhe kur
kanë bërë detyrat e shtëpisë, kanë treguar një ngritje të nivelit të
matematikës në test, krahasuar me ata që nuk kanë përtypur.

Edhe shkencëtarët të cilët nuk kanë pasur të bëjnë me këtë studim,
thonë se çamçakëzi, përveç tjerash, mund të ndihmojë edhe në reduktimin
e stresit, të rritë përqendrimin dhe në këtë mënyrë t’i përmirësojë
aftësinë e të mbajturit mend.