Mos u marto nëse nuk je rritur ende!

Sapo e kishte parë për herë të parë, gruaja kishte thënë: “Kjo është nusja që duhet të marr për tim bir”. Menjëherë pas kësaj, kishte nisur edhe përpjekjet për të bindur të birin që të shkonin të kërkonin dorën e vajzës. Pasi të rinjtë u njohën, u pëlqyen dhe vendosën të martohen. Nëna e dhëndrit e gëzuar për nusen që kishte marrë. Ishte ashtu siç e kishte ëndërruar.

Ditët e para gjithçka ishte e bukur për të. Nusen nuk e ndante kurrë nga vajza e saj.
Por, askush nuk e kuptoi kur ende pa kaluar shumë nisën edhe ankesat e saj. Çdo mbrëmje, kur i biri ktheje nga puna, një listë e tërë ankesash për nusen i vinin nga e ëma. Burri, ende i ri në moshë për të përballuar një situatë të tillë, nuk vinte më në shtëpi me atë gëzimin e ditëve të para, por me frikën se nëna do ti radhiste ankesa të tjera për nusen. E teksa përballej me këtë situatë, mendonte se “çdo të thotë ime më sot? Ç’të ketë ndodhur?”.

Pas kësaj, edhe me bashkëshorten kishin nisur disa mosmarrëveshje, madje jo rrallë edhe lot dëshpërimi.

Në fund, nëna e pret në prag të portës me një kërkesë mjaft tronditëse: vendos, ose nusja, ose unë...

I riu, ndoshta po përjetonte një nga momentet më të vështira në jetë. Ai nuk mund të hiqte dorë as nga bashkëshortja që e donte aq shumë, e as nga nëna që e donte gjithashtu. Kjo zënkë që tashmë kishte zgjatur për vite me radhë, më në fund përfundoi në dyert e gjykatës...

Fatkeqësisht, këto janë gjëra që ndodhin në shumë familje në shoqërinë shqiptare. Për kapriço të vogla e të papërfillshme, ku shumë nuse e dhëndurë të rinj që përjetojnë këto tragjedi ndjenjash. Ka nga ata avokatë që kërkojnë divorc për shkak të mosmarrëveshjeve në çift, ka nga ata që e mbështesin pretendimin e tyre në mosmarrëveshjet me të afërmit.

Kurse sipas specialistëve, disa persona nuk duhet të martohen. Në këtë kategori futen “të parriturit ende”. Pra, ata persona që nuk kanë arritur një nivel të mjaftueshëm shpirtëror, që nuk kanë arritur pjekurinë seksuale dhe që mbeten nën ndikimin total të familjes e që nuk shkëputen dot prej saj. Individët e kësaj kategorie, sillen gjithmonë duke u bazuar në sugjerimet e të tjerëve. Ngaqë nuk drejtojnë dot veten, drejtohen nga të tjerë. Ose më saktë, kur nën i thotë “Duaje nuse” e do, dhe kur i thotë “rrihe”, e rreh.

Kjo nuk është një situatë që ka të bëjë vetëm me seksin mashkull. E njëjta gjë mund të ndodh mjaft mirë edhe tek femrat. Me qëllim mbrojtjen e vajzës së saj, ka mjaft nëna që i porosisin ato të mos lejojnë shtypjen nga ana e burrit.
Së pari, kandidati që shpreh dëshirën për tu martuar, nëse e ndien veten pjesë të “të parriturve ende”, të mos martohet.
Vjehrra, nuk duhet të përzihet në punën e brendshme të çiftit. Kjo është e vlefshme si për nënën e vajzës, ashtu edhe atë të djalit.

gazeta start