Cudira... !!

Titulli: Cudira... !! Fri Jun 27, 2008 3:12 pm

Mësuesi pushohet nga puna se leu flokët jeshile

Një mësues i klasës së 9-të në shkollën “Lower Richland” u pezullua nga puna, pasi shkolla nuk e pëlqeu ngjyrën e re të flokëve të tij. Michael Rice thotë se drejtori e thirri mësuesin në zyrën e tij në pushimin e madh. Rice thotë se drejtori Marvin Byers i tha se ngjyra e gjelbër e flokëve ishte e tepruar. Mësuesi iu përgjigj se donte vetëm të argëtonte nxënësit e klasës, pasi atë ditë ishte festa kombëtare e Irlandës. “Shumë njerëz më thonë “Uau, s’na besohet se të dërgoi në shtëpi”, thotë Rice, “por është vetëm një bojë flokësh. Sot është dhe nesër s’është”. Mësuesi u rikthye në punë sapo ndërroi ngjyrën.

Kinë, burri detyrohet të zvogëlojë gjoksin për hir të gruas

Një grua kineze ka detyruar burrin të operohet për të zvogëluar gjoksin, pasi ai kishte numër më të madh se ajo. Xiao Fend nga Chongqing, kërcënoi të ndahej nga Zhang Jianguo, nëse ai nuk do t’i nënshtrohej kirurgjisë. Zhang, i cili është 180 centimetra i gjatë dhe peshon 90 kilogram shpjegoi: “Ajo tha se sa herë që dilnim shëtitje, ajo ndihej në siklet për shkak se gjoksi im tërhiqte vëmendjen më shumë se i saj”. “Doktorët në “First Affiliated Hospital” në Universitetin Mjekësor “Chongqing e zvogëluan gjoksin e tij duke hequr dhjamin e tepërt”, raporton “Chongqing Business News”.

12 milionë bletë të lira në rrugët e Kalifornisë

Miliona bletë mjalti janë të lira pasi kamioni me të cilin transportoheshin arkat e insekteve, u rrokullis në një autostradë kaliforniane. Patrulla e autostradës thotë se më shumë se 12 milionë bletë “janë arratisur” nga kosheret dhe kanë mbushur zonën e autostradës 99. Ato kanë pickuar policët, zjarrfikësit dhe shoferët që mundoheshin të pastronin zonën. Shefi i policisë, Michael Bradley thotë se trajneri u rrëzua ndërsa hynte në autostradën që të çonte në Yakima, Uashington. Çdo arkë ishte e mbushur me 30 mijë bletë. Bradley thotë se bletët ishin përdorur në lëndinën San Joaqun për të pjalmuar të korrat.

Tajvan, mban premtimin, merr balerinë në funeralin e babait

Një tajvanez pagoi një vajzë të kërcente në funeralin e babait 103-vjeçar. Kërcimtarja kërceu para arkivolit të Cai Jinlai për më shumë se 10 minuta në qytetin Taizhong. Djali, Cai Ruigong, e pagoi më shumë se 80 paund që të kërcente në përkujtim të babait të tij. Cai Ruigong thotë se i premtoi babait se do t’i merrte një valltare striptizi nëse i kalonte të 100 ditëlindjet. Babai shekullor, Cai Jinlai ndërroi jetë në moshën 103-vjeçare, ndërsa eci tre milje në qytet për të votuar. Ai ishte personi më i njohur në fshat, pasi ishte më i moshuari dhe pati më shumë se 100 pasardhës

Titulli: Re: Cudira... !! Fri Jun 27, 2008 3:17 pm

Britani, 40 paund se shkund hirin e cigares në tokë

Gjykata ka dënuar me 40 paund Daniel Slaney, pasi dikush e ka parë të shkundë hirin e cigares në tokë. Shkelësi i ligjit e ka pranuar, po ka shtuar se fundin e cigares e futi në paketën bosh, dhe nuk e hodhi në tokë. Sido që të ketë qenë e vërteta, gjobën duhet ta paguajë patjetër, me akuzën e hedhjes së mbeturinave në rrugë. “Vetëm një gram hi shkunda. Më duket se po e teprojnë me këtë punën e pastërtisë”, thotë Dennis. Zëdhënësi i këshillit Erewash thotë se u zhgënjyen shumë kur dëgjuan se veprimet e këshillit për sjelljen e papërgjegjshme të zotit Dennis janë cilësuar si të tepërta.

Nxënësi padit mësuesen se e zgjoi gjatë mësimit

Një nxënës në Konektikat ka paditur mësuesen e tij, e cila bëri zhurmë për ta zgjuar kur pa se ai po flinte në bankë gjatë orës së mësimit. Autoritetet e shkollës në Danbury janë njoftuar se janë paditur nga një nxënës që u tromaks pas zgjimit. Avokati i 15-vjeçarit Alan Barry thotë se Vinicios Robacher pësoi dëmtime serioze në daullen e veshit për shkak të zhurmës që bëri mësuesja Melissa Nadeau. “Ajo përplasi pëllëmbën e dorës në bankë, duke bërë një zhurmë të llahtarshme”, sipas avokatit që mbron klientin e mitur. Mësuesja thotë se këtë veprim e ka përsëritur shpesh, por deri tani nuk ishte ankuar askush.

Angli, lidh unazën e martesës tek tullumbacet me helium

Është një nga momentet që çdo mashkull do t’i shkojë sipas planit. 28-vjeçari nga Londra kishte fshehur unazën prej 12 mijë dollarësh brenda një tullumbaci të lehtë. Ideja ishte që të pëlciste tullumbacen ndërkohë që i kërkonte të martoheshin. Por ndërsa largohej nga dyqani, një erë e fortë i rrëmben tullumbacin nga dora dhe së bashku me to, edhe unazën. “Nuk më besohej. E pashë se si u ngrit në ajër gjithnjë e më larg. U mundova dy orë ta ndiqja, por më vonë hoqa dorë”, thotë ai. “U ndjeva si planprishës. Unaza më kishte kushtuar dhe e dija se e fejuara do më vriste. Mu desh t’i tregoja gjithçka dhe tani nuk më flet më”, shton ai.

Titulli: Re: Cudira... !! Fri Jun 27, 2008 3:18 pm

Gjobitet 100 mijë paund se shkarkon 25 këngë nga interneti

Një grua amerikane është gjobitur më shumë se 100 mijë paund, pasi ka marrë muzikë ilegalisht nga interneti. Jammie Thomas, nga Minesota, është gjobitur me 222 mijë dollarë dhe gjykatësit e detyruar t'i paguajë 6 kompanive të regjistrimit 9,250 dollarë secilës, për secilën nga 25 këngët që ka nxjerrë ilegalisht në internet. Gjoba mund të kishte qenë me miliona dollarë, pasi kompanitë thonë se 30-vjeçarja ka shpërndarë 1702 këngë online përmes programit "Kazaa", duke dhunuar të drejtat e autorit. Kompanitë e regjistrimit kanë paditur 26 mijë raste të tilla që nga viti 2003, por ky është rasti i parë që shkon në sallën e gjyqit.

Titulli: Re: Cudira... !! Fri Jun 27, 2008 3:24 pm

Kinë, zgjidhja e gruas së tradhtuar në internet

Një grua në Kinë i preu dorën e djathtë bashkëshortit të saj, pasi ai ishte i droguar pas internetit. Jiang Ming nga qyteti Chengdu i premtoi gruas së tij, He Ling, se do të kalonte më shumë kohë në shtëpi, të kujdesej për djalin e porsalindur. Por pas një farë kohe, ai gjeti strehë në internetin pranë shtëpisë dhe komunikonte me vajza. "Isha në internet dhe papritur ndjeva një mpirje të dorës së djathtë. Shigjeta në ekran s'po lëvizte", thotë Jiang Ming. Në gjykatë burri kërkoi që gjykatësi ta lirojë gruan, pasi ai ishte fajtor se theu premtimin.

Bip! Bip! 124 dollarë gjobë nëse i bie borisë

Rënia e borisë në shtetin Uashington mund të zvogëlojë diçka pak më shumë fizike se sa egon mburravece të atij tipit që ju preu rrugën. Sapo t'i bini borisë së makinës për t'i tërhequr vëmendjen atij shoferit që flet në telefon do t'ju shtohet edhe një gjobë më shumë, një fakt që i vjen si surprizë shumë shoferëve, madje dhe disa policëve. Sipas ligjit të shtetit, boritë e makinave janë vetëm për emergjenca, dhe përdorimi i saj vetëm se jeni të inatosur është i paligjshëm. Dënimi është një gjobë prej 124 dollarësh. Në Uashington rënia e borisë konsiderohet si ngarje agresive.

Venezuelë, "i vdekuri" zgjohet nga thika e autopsisë

Një burrë nga Karakasi, i cili ishte deklaruar i vdekur, u zgjua në morg nga dhimbja e padurueshme kur doktorët filluan me autopsinë. Carlos Camejo, 33-vjeçar, u deklarua i vdekur pas një aksidenti në autostradë dhe u dërgua në morg, ku kontrolluesit filluan nga puna e tyre. Ata e kuptuan menjëherë se diçka nuk shkonte kur 'i vdekuri' po gjakosej. Menjëherë vendosën që qepin vendin që kishin hapur në fytyrë. "U zgjova se dhimbja ishte e padurueshme", thotë Camejo për median "El Universal". Gruaja e vrerosur ishte nisur për të identifikuar trupin në morgun e qytetit, por për fatin e saj e gjeti bashkëshortin në korridor - dhe gjallë

Flenë pa ditur për folenë e grerëzave poshtë jastëkut

Vicki dhe Clive Hames u rregulluan të kalojnë natën në dhomën e miqve të shtëpisë e prindërve. Edhe pse në sfond dëgjonin zukatje grerëzash 57-vjeçari i tha gruas t'i linte rehat grerëzat atë natë se do të merreshin me to të nesërmen në mëngjes. Në të njëjtën dhomë ishte edhe vajza 23-vjeçare e çiftit, Jenny, e cila shpëtoi pa u pickuar sepse fjeti në një shtrat tjetër. Në mesnatë Clive zgjohet nga një dhimbje e çuditshme në shpinë. Kur ndez abazhurin zbulon një grerëz të ngordhur mbi shtrat. Pas një kërkimi të mëtejshëm vjen dhe surpriza. Ai kishte fjetur gjysmën e natës mbi një fole me qindra grerëza të uritura. Babai 85-vjeçar i Clive i shpjegoi se dhoma qëndronte e mbyllur prej 6 muajsh.

Titulli: Re: Cudira... !! Fri Jun 27, 2008 3:24 pm

Mësuesja shkon tapë në shkollë, arrestohet në orën e mësimit

Një mësuese e klasës së parë në shkollën fillore "Cooks Corners", në Valparaiso të shtetit Indiana, është arrestuar në shkollë se ka qenë e dehur. Policia thotë se 49-vjeçarja, Sharon Duerring kishte dy kanaçe birre në çantë gjatë momentit të arrestimit. Drejtori e hoqi Duerring nga klasa ku po zhvillonte mësimin dhe njoftoi policinë sapo dyshoi se ajo mund të ishte e dehur. Testi i frymëmarrjes tregoi se përqendrimi i alkoolit ishte 0.20 për qind, më shumë se dyfishi i limitit prej 0.08 për qind. Policia thotë se i është ndaluar të kthehet në shkollë.