20 arsyet pse duhet ta urrejmë Shën Valentinin

Jo të gjithë e duan festën e Shën Valentinit. Dhe mes atyre që e urrejnë festën e të dashuruarve nuk janë vetëm beqarët që do të donin të kishin pranë gruan apo burrin e jetës së tyre, por edhe shumë njerëz çift, të fejuar, të martuar apo sido që të jenë nuk dëshirojnë ta festojnë festën e 14 Shkurtit për motive nga më të ndryshmet. Në fakt, është britanikja "Times" që përmes një guide, që me rastin e festës së shumëpritur për të gjithë të dashuruarit na ofron 20 motive për ta urryer këtë festë.


Për vajzat


1. Nëse je beqare, u dukesh të tjerëve si një lëneshë e moçme. Nëse e ke një lidhje, mendojnë se i je futur një rruge të sikletshme


2. Sepse nuk ka asgjë më të mërzitshme se burri që keni zgjedhur si njeriun ideal për të kaluar jetën, i cili e shpreh romanticitetin e tij me kartolinë urimi qesharake dhe me një lojë fjalësh të shkruara brenda saj.


3. Sepse stresi për të organizuar diçka romantike dhe të veçantë në krahasim me të tjerët është shumë i madh. Mendoni që dita e Shën Valentinit është si një martesë e vogël. Por shkurti është muaji më i keq për t‘u martuar…

4. Duhet urryer për poezitë e tij, pothuajse çdo vit të njëjta dhe pa asnjë vlerë.



5. Sepse të gjitha imazhet e çifteve perfekte vlejnë vetëm për të menduar se të tjerët janë shumë herë më të lumtur se ju, madje edhe në jetën e tyre seksuale.


6. Sepse vajza që keni më shumë inat do të marrë si dhuratë një palë këpucë shumë të kushtueshme dhe sapo i dashuri i saj të largohet, do të thotë se nuk i përshtaten dhe aq shumë gustos së saj.


7. Sepse nuk ka asgjë më të keqe se nëse një kartolinë urimi, një tufë trëndafilash të kuq apo ndonjë dhuratë tjetër e kushtueshme, do ta merrni nga dikush që ju pëlqen, ndërsa ju fatkeqësisht e urreni për vdekje.


8. Sepse festa e 14 Shkurtit nuk është gjë tjetër veçse një betejë dhe një konkurrencë mes grave se kush merr dhuratën më të bukur ,apo kush kalon mbrëmjen në restorantin më të mirë të qytetit.


9. Sepse na duhet të jemi në formën perfekte, duke parë që edhe mundësinë më të madhe për sa u takon dhuratave e kanë kompletet intime. Duhet të jeni në formë perfekte, ndryshe dhurata e të dashurit tuaj nuk arrin t‘ju rrijë ashtu si ai dhe ju do të donit.



10. Sepse, ngjyra rozë dhe diamantet (joorigjinalë) janë shumë të pëlqyer për vajzat e vogla dhe stilistët italianë.


Për djemtë


1. Ju bën të urreni shokët. Të gjitha restorantet e mira janë prenotuar prej kohësh nga pasanikët e "pamoralshëm", ndërkohë që juve ju mbeten vetëm restorantet e dorës së dytë.


2. Sepse ai i bën burrat të bëjnë gjëra që nuk u shkojnë fare për shtat: si për shembull të ndezin qirinjtë.


3. Sepse i fut në telashe të gjithë burrat që nuk dinë të krijojnë ambient romantik. Kjo në të vërtetë është ajo që gratë duan. Por t‘i bësh gjërat me detyrim është vërtet e tmerrshme dhe në fund… nëse nuk i bën e imagjinon dot zemërimin e grave.


4. Sepse kushton vërtet shumë. Duke marrë parasysh trëndafilat, apo ndonjë dhuratë tjetër, darkën dhe taksinë, fatura shkon sa nuk mund ta imagjinosh. Nuk do të ishte më mirë që t‘ia jepje këto para në dorë?


5. Sepse, nëse sapo ke njohur një vajzë, vlera e një dhurate apo dalja për darkë do të thotë se ajo do të mendojë se jeni të dashur, ndërkohë që ju nuk e keni aspak ndër mend një gjë të tillë, të paktën për momentin.


6. Sepse, fatkeqësisht do të jeni aq të zënë, sa nuk do të mund t‘ia hidhni dot sytë as shitëses, pasi ju duhet të blini kompletin e brendshëm në masën e duhur, modelin dhe ngjyrën që asaj i pëlqen.


7. Sepse ajo do ta kujtojë aq gjatë atë ditë, sa edhe në javën e fundit të shkurtit do të ndiheni shumë keq sa herë që do të ketë një pushim në bisedë.

8. Sepse, Krishtlindjet sapo kanë kaluar. Pse nuk mjafton vetëm një ditë në vit për të bërë dhurata?


9. Sepse vajzat e kanë shumë të vështirë të gjejnë dhuratën e duhur për meshkujt në këtë ditë.

10. Sepse nuk ka asgjë më të mërzitshme se sa vajza që ju keni zgjedhur për të qenë gruaja e jetës suaj të mos qeshë me kartolinën plot humor që ju i bëtë dhuratë.