Interesat pas "xhamisë" në New York

Autor: Besnik Sinani



Debati për ngritjen e një "xhamie" dy blloqe larg vendit ku gjendeshin dikur kullat binjake është kthyer në debat global. Për këtë arsye, me sa duket, një gazetë shqiptare e pa të arsyeshme të merrte mendimin e disa intelektualëve shqiptarë nëse duhet lejuar ngritja e "xhamisë", për të cilën ndërkaq autoritet lokale të New York-ut kanë dhënë aprovimin.

Pa u lodhur të shohë fotografitë e maketit që gjendet kudo në internet, një nga kontribuuesit shqiptarë të këtij debati krahasonte minaren joekzistente të xhamisë që nuk do jetë xhami me një "raketë shpirtërore".

"Park 51", siç quhet projekti, nuk do të jetë xhami, por qendër kulturore islame me 13 kate, me galeri arti, pishinë e palestër, me dhomë faljeje e meditimi e modeluar sipas shembullit të qendrave të tilla komunitare të komunitetit hebre. Nuk ka as minare e as kupolë.

Figura mbrapa këtij projekti, Imam Abdul Rauf, ka vite që kryen ture shëtitjesh në Lindjen e Mesme për llogari dhe të sponsorizuara nga Departamenti i Shtetit Amerikan, ka marrë pjesë në aktivitete të tilla në shumë raste dhe gjatë administratës republikane të Bushit, përfshi krah për krah condolenza Rice, aq sa një grup studentësh në Kajro e akuzuan për agjent të CIA-s. Aktualisht, ai gjendet në Bahrein i dërguar nga Departamenti i Shtetit Amerikan për të promovuar vlerat amerikane në botën arabe.

Bordi drejtues i projektit është i mbushur me të krishterë e hebrenj dhe Imam Abdul Rauf ka vite që promovohet në televizionet amerikane si përfaqësues i Islamit që dëshiron të ketë si partnerë Amerika. Atëherë pse gjithë kjo revoltë nga politikanët e të djathtës, me të cilët Imam Abdul Rauf ka qenë kaq i afërt.

Fushata kundra "Park 51" është udhëhequr, nxitur e formuluar kryesisht nga tre ente mediatike të së djathtës amerikane: FOX NEWS, The Wall Street Journal, dhe The New York Post që janë pronë e të njëjtës Kompani, News Corp.

Ironikisht ishte FOX NEWS nga stacionet e para mediatike që i dha bekimin dhe miratimin këtij projekti në dhjetor të viti që shkoi në një intervistë më gruan e Imamit, Daisy Khan.

Edhe më ironike është se sot një nga akuzat që ngrënë me të madhe këto media është se ndoshta ky projekt financohet nga ndonjë princ saudit kur është se aksioneri i dytë më i madh në kompaninë që i ka pronë këto media, është një anëtar i familjes mbretërore saudite.

Atëherë, pse ndryshoi qëndrimi i të djathtës amerikane? Sipas një sondazhi të kohëve të fundit, gati 20% e amerikanëve besojnë se Obama është mysliman.

Teksa Amerika i afrohet zgjedhjeve për kongres dhe senat, demagogët e të djathtës kanë parë në debatin për "xhaminë" një aset politik që mund ta monopolizojnë në diskursin e tyre politik. Por, teksa ky debat është i motivuar nga politika lokale, ato kanë marrë përmasa globale.

Diskursi politik amerikan qysh nga George Bush ka qenë se Amerika nuk është në luftë me Islamin, por me terroristët që shpërdorojnë Islamin.

Por parullat e protestuesve kundër xhamisë, prodhimtaria mediatike që ofendojnë fenë islame, Profetin Muhamed, dhe që cilësojnë gjithë myslimanët si terroristë japin imazhin e një lufte mes Amerikës dhe Islamit, i cili, jo rastësisht, është dhe argumenti bazë ideologjik i Bin Ladenit.

Teksa specialistë të terrorizmit si Bernard Haykel thonë se numri i militantëve të organizatave terroriste si Al-Kaida është diku tek 20 mijë vetë - një numër i vogël në një popullsi globale prej më shumë se 1.5 miliardë myslimanë - interesi i SHBA ka qenë të izolojë Al-Kaidën, të gjejë partnerë kudo mes popullsive myslimane në botë dhe mos t'i japë terren mesazhit të Al-Kajdës të përhapet e të fitojë pasues më tej.

Debati mbi "Park 51", refuzimi për këtë qendër e për xhami në vende të tjera të Amerikës, i shërbejnë një retorike të ndryshme, një retorikë që njëson Islamin me terrorizmin, që injoron faktin se pati myslimanë ndër viktimat e kullave binjake, se shumica e viktimave të Al-Kaidas nëpër botë kanë qenë myslimanë - shumë prej tyre klerikë që kanë folur kundra Al-Kaidas - dhe jep mesazhin që ka vite që trumbeton Bin Laden: se Amerika po kryen një luftë fetare drejtuar kundra gjithë myslimanëve dhe Islamit.

Prandaj, ndalimi i xhamisë, në fjalët e Kryetarit të Bashkisë së New York-ut, "do t'i jepte një vegël të rëndësishme propagandistike rekrutuesve të terroristëve, të cilët përhapin mendimin e gabuar se Amerika është në luftë me Islamin."

Teksa media e djathtë nxit këtë imazh të Islamit si fe e prirur ndaj një dhune fetare irracionale, një imazh shumë i përafërt ekziston në botën arabe për Amerikën.

Imazhi i Bushit si njeri që deklaronte se ishte me mision nga Zoti, artikujt e medias amerikane që tregojnë se raportet e luftës i dorëzoheshin me citime nga Bibla, apo deklaratat e një zv.ministri të Mbrojtjes Amerikane që predikonte nëpër kisha i veshur me uniformë ushtarake "se tashmë e dimë fytyrën e djallit që gjendet në Faluxha [në Irak] dhe do fitojmë vetëm nëse luftojmë në emër të Jezusit," të gjitha këto kanë krijuar përshtypjen edhe ndër intelektualët sekularistë të Lindjes së Mesme se Amerika është një forcë e nxitur nga fanatizmi fetar dhe Obama ende shihet si shumë i dobët për të ndërruar këto trende.

Debati rreth "Park 51" vetëm sa përforcon këto nocione. Ky debat mund t'i shërbejë të djathtës amerikane në politikat lokale por sjell dëme më të mëdha, jo vetëm për SHBA, në zhvillimet globale.

Duke iu kthyer rezonancave të këtij debati në Shqipëri, metafora e minareve si raketa nuk është e re e as origjinale. Është përdorur, në fakt, më parë për xhamitë lokale shqiptare në Maqedoni.

Edhe këtu ngërthehen lokalja me globalen në këtë metaforë që i jep palëvizshmërisë së minareve lokale mobilizimin e imagjinuar, ushqyer me eksplozivë të medias globale.

Revista "Shkenca dhe jeta" keto dite do te paraqesin edhe studime dhe te Rejat e fundit ne shkence.
Siç ishte ajo e paraqitur me siper :Ndertimi i nje xhamije ne Njujork?!?!?!
Besnik Sinani dhe helmi vehabist


Nga Kelmend Gruda



Gazetat shqiptare nuk kanë moral. Ndrysh, si do të botonte shkrimin e helmtë të Besnik Sinanit në mbrojtje të vehabizmit gazeta “Panorama”?. Po jo, nuk asht me u çuditë. A nuk thonte i madhi Konica se “Armiku më i math i shqiptarëve janë vetë shqiptarët”. Megjithëse nuk po kuptojmë se kush asht vërtet shqiptar e kush mbeturinë osmane, që gjatë diktaturës komuniste u dhanë fëmijëve edhe emna ma të moderuem si Olsi (Jazexhi), Besnik (Sinani) etj.
Njeriu “i kënduar” Besnik Sinani, që na rrinka edhe në Nju Jork, asht i shqetësuem për retoriken antivehabiste në Shqipni, për mosnjohjen teologjikisht të vehabizmit të vërtetë, e se “në Shqipëri kemi të bëjmë me vehabizëm të transformuar (më saktë "selefizëm" të transformuar, pasi termi i parë mbart ngarkesë stigmatizuese). Imamët shqiptarë që kanë studiuar në Universitetin e Medinës në Arabinë Saudite, i kanë mbajtur mësimet e teologjisë së "vehabizmit", mënyrën si mendohet për Zotin, por kanë përqafuar qëndrime të kundërta nga mësuesit e tyre në Universitetin e Medinës në vlerësimin e traditës fetare shqiptare dhe të angazhimit në jetën sociale dhe politike”. Nuk harron të përmendë edhe se “Imami Ahmed Kalaja i deklaronte reporterit të revistës amerikane Slate në 2009, se ai jo vetëm që u mëson besimtarëve shkollën tradicionale Hanefi, por dhe është duke përkthyer një nga tekstet themelore të kësaj shkolle në gjuhën shqipe”.
Sinani nuk përmend askund sulmin e egër që vehabistat po i bajnë historisë kombëtare, sidomos nëpërmjet ideologut të tyne Olsi Jazexhi, apo Hysemedin Ferajt, Abdi Baletës, pa folë për imamët vehabistë të ardhun këto 20 vjetët e fundit nga Arabia e Malajzia.
Ai ban se nuk di asgja mbi sa e sa tonelata baltë e vner që ky lloj ka hedhë e vazhdon me hedhë kundër Gjergj Kastriotit, Nanë Terezës, Fishtës e se si hymnizojnë Haxhi Qamilin, Esat Toptanin, Gazi Osman Pasha, sulltan Abdylhamiti II e deri te sulltan Murati. Sinani nuk merr mundimin të citojë Olsin Jazexhiun nga intervista e tij e pak ditëve ma parë botue te gazeta "Java”, Prishtinë. Ai ban gjithçka që të përligjë vehabizmin, ta mbrojë ate pa shumë zhurmë, si helm i ngadaltë, e t’i qajë zemra për retoriken naive e dashakeqe që na vloka tashti në Tiranë e Prishtinë kundër vehabizmit.
Po sjell një fragment nga Olsi Jazexhi: “Herojtë muslimanë që luftuan për të mbrojtur viset e tyre (?!!), që nga Esat Pashë Toptani, Gazi Osman Pasha, sulltan Abdylhamiti II e deri te sulltan Murati nëpër librat shkollorë që Perëndimi dizanjoi për shqiptarët, lexohen si tradhëtarë, pushtues e anadollakë dhe janë larguar nga memoria e tyre kolektive. Kaurët perëndimorë, tamam si Samiri në historinë Bibliko-Kuranore të Musait a.s., iu ndërtuan lopë të cilat ua shitën për shenjtorë kombëtare shqiptarëve të paditur.



Lopët moderne të kombit shqiptar variojnë që nga e ashtuquajtura ‘Rilindje’ e cila në fakt ishte një luftë civile dhe diversion kristian i cili synonte të ndante muslimanët nga Kalifati i Stambollit, e deri te herojtë si Gjorgje Kastriota Skënderbeu apo heroina post-moderne e Kishës Katolike, Nënë Tereza. Shqiptarëve herojtë kombëtar iu imponohen nga jashtë. Në rast se ata refuzojnë, kaurët e Perëndimit përdorin shegertët e tyre vendas, siç po bëjnë sot në Prishtinë, Tiranë dhe Shkup me idhullin e Nënë Terezës. E në rast se këta dështojnë, iua imponojnë me luftanije dhe topa, siç bënë në vitin 1914.


Dhe pak ma tej vazhdon:
“Por zagari i Vatikanit, Ibrahim Rugova, të cilin Kisha Katolike e kishte ndihmuar të vijë në krye të Lidhjes Demokratike të Kosovës, arriti që të sabotojë luftën kosovare për
çlirim për vite me radhë. Rugova ushqente inteligjencën enveriste të Kosovës me përrallën e madhe katolike, sipas së cilës, kosovarët duhet ti tregonin perëndimit që nuk janë muslimanë, por janë katolikë, dhe vetëm në këtë mënyrë Perëndimi do të vinte në ndihmë.
Menjëherë pas largimit të Serbisë nga Kosova, gjëja e parë që Kisha Katolike dhe zarbot e saj kanë bërë në Kosovë por edhe Shqipëri ka qënë nxitja e mercenarëve të saj në të gjithë vendin që ti apelojnë muslimanëve të largohen nga Islami.
....................................
Kosovarët dhe shqiptarët e Shqipërisë po ndërgjegjësohen përditë e më shumë që si Shqipërinë si Kosovën, Perëndimi nuk po jua lë atyre që ta gëzojnë por po i ndërton si shtete rikonkuistadore të cilat synojnë zhdukjen e Islamit. Nëpër librat shkollorë të Letërsisë dhe Historisë në Kosovë, kosovarët mësojnë se herojtë e tyre janë Skënderbeu, Nënë Tereza, Pjetër Bogdani, Gjergj Fishta, dhe heronjë të tjerë katolikë të cilët kanë qenë anti-muslimanë.


……………….. Pjetër Bogdani i cili luftoi përkrah serbëve në vrasjen e muslimanëve në Kosovë cilësohet si shqiptar.
Protesta e datës 18 Qershor 2010 në Prishtinë, ku disa mijëra të rinjë kosovarë protestuan përpara ministrisë së Arsimit të Kosovës me deklaratat e tyre La ilaha il Allah – nuk ka zot përveç Allahut dhe Allahu Ekber – Allahu është i Madhëruar, tregojnë tensionin që po zhvillohet në shoqërinë shqiptare sot në Ballkan”.


Ky asht ideologu i vehabizmit shqiptar, rrymë islame që zotni Sinani na e gjen të moderueme, bile me trajta kombëtare.
Lind vetiu pyetje: Kush e paguen këtë njeri? A asht vërtet shqiptar, apo otoman? Pse, që mban emnin “Besnik”, nuk do me thanë asgja: si ka me qenë ma tradhëtar njeriu?

nese mendon qe vetem njerzit e fes katolike na qenken njerz, sipas teje ...ndersa te tjeret nuk na qenken njerez Ather edhe tek ju inderuar dyshoj se cfar njeru mundesh te jesh ...dhe kush ju paguan juve ndoshat greku apo serbosllavet....
ju kisha lutur mos umerni me paragjykime ngase te paskan ushqyer me mllef ndaj fes islame edihet se ne kuzhinin e kujt paske ngran....

Z.Princo !
Te paraqita mendimet e mikut tend ,Besnik Sinani, dhe ju vazhdoni akoma me vleresime dhe ofendime: Me quajte ne fillim -Ateist,NUK JAM I TILLE.
Tani me quan -Katolik,NUK JAM I TILLE.
Perse ngaterron mendimet e mija me te Besnik Sinanit.
Perse duhet te jene njerez vetem katoliket dhe jo muslimanet?
C'jane keto paragjykime? Po te tjeret qe besojne sipas feve te tjera,valle nuk jane njerez?
Zoti kur e krijoi njeriun,gjene me te bukur qe kishte krijuar,e beri ate te lire dhe jo robot.
Vuri ne te nje ndergjegje dhe e la te lire : te besoj apo te mos besoj-Por ama nje dite do te pergjigjet per zgjedhjen e tij.I dergoi Fjalen e Tij :Urdherimet e Tij,disa besuan ,disa nuk besuan:Ky eshte njeriu.
I dergoi profetet qe trasmetonin Fjalen e Tij:Disa besuan,ndersa disa nuk besuan.Ky eshte njeriu.
Dergoi ne mish Birin e Tij:Disa besuan ,ndersa nuk besuan dhe e kryqezuan.Ky eshte njeriu.
Tani pritet vetem dita e gjykimit:Dhe njeriu nuk do te gjykohet vetem nga ajo qe ka bere ,por para se gjithash nepermjet besimit.Bibla ,Fjala e Zotit,Ungjilli te njohur edhe nga Muhameti,thone se kush beson ne Birin eshte i shpetuar nga gjykimi nepermjet besimit ne Birin.
Perendia eshte nje zjarr qe te konsumon ,mjere ata qe bjen ne doren e tij!
Une besoj ne kete shpetim,por nese ju keni ndonje shpetim me te madh se ky ju lutem bejeni prezent.
Perpara se te pergjigjesh matu mire se me Perendine nuk behet shaka:Gje tmershme eshte te bjere njeriu ne duarte e Perendise se gjalle.