Lajme të rralla

Lajme të rralla


Shkruar nga Elberta Spaho

SHBA
Vdes udhëtarja e fundit e Titanikut
Personi i vetëm që kishte mbijetuar në fatkeqësinë e anijes së njohur Titanik, ishte Milvina Dean,e cila ka vdekur të dielën mbrëma në moshën 97 – vjeçare. Milvina Dean, familja e së cilës kishte emigruar në Shtetet e Bashkuara të Amerikës, ishte foshnjë dy muajshe në Titanik, kur ndodhi përmbysja tragjike e anijes Titanik në vitin 1912. Milvina kishte shpëtuar gjatë tragjedisë që ndodhi pasi atë e kishin mbështjellë në qese plastike për ta mbrojtur nga i ftohti i acartë që vdiq aq shumë njerëz.
Fatkeqësisë i kishin mbijetuar edhe nëna dhe vëllai i Milvinës, ndërsa babai i saj kishte vdekur pasi nuk kishte mundur të shpëtonte.

RUMANI
Koncert maratonik i fëmijëve për Guinness
Njëzet fëmijë nga qyteti rumun Kluz kanë kënduar për 12 orë më shumë se 200 këngë, me të cilën gjë kanë vendosur rekord të ri botëror për koncertin më të gjatë të fëmijëve në histori.
Duke filluar nga e diela në mëngjes, fëmijët në mes moshave gjashtë e gjashtëmbëdhjetë vjeç kanë kënduar këngë në gjuhën rumune, angleze, franceze, italiane, gjermane dhe turke, në koncertin maratonik të mbajtur në parkun në qendër të qytetit Kluzit. Në pajtim me rregullat e Librit të rekordeve Guinness, ata kanë bërë pauza individuale prej 10 minutash çdo një orë. Pas pranimit të diplomës nga përfaqësuesit e Librit të rekordeve Guinness, fëmijët kanë kënduar edhe gjysmë ore, duke performuar këngë popullore rumune.

SHBA
Ketri vjedh flamujt nga varrezat
Një ketër i gjindshëm ka vjedhur flamujt amerikanë nga varrezat në Port Huron të Michiganit dhe me ta ka bërë folenë e vet.
Me rastin e Ditës së përkujtimit për ushtarët e vdekur, vullnetarët në varrezat e mijëra veteranëve kanë lënë mijëra flamuj. Flamujt ishin të paprekur gjatë ceremonisë së mbajtur para disa ditësh. Mirëpo, shpejt pas ceremonisë, punëtorët të cilët kryejnë punët në varreza kanë parë se një pjesë e mirë e flamujve ishin larguar nga mbajtësit e tyre të drurit të cilët ishin mbetur përtokë. Enigma është zgjidhur vetvetiu. Ketri ka dalë nga foleja e tij dhe para dëshmitarëve të shumtë ka marrë edhe flamuj tjerë dhe i ka dërguar në pemë.


SHBA
Aksioni vazhdon: Virgjëresha në shitje mbetet pa blerësin e saj

Studentja Natalie Dylan megjithatë nuk do të shesë virgjërinë e saj për 3.8 milionë dollarë sa ishte pajtuar me Romeon me xhepa të thellë. Vajza njëzetvjeçare e cila fshihet prapa pseudonimit Natalie Dylan do të mbetet e virgjër. Për gazetën prestigjioze amerikane “Neë York Post” Natalie ka deklaruar se i kishte thënë “blerësit të virgjërisë” të moshës 38-vjeçare që “t’i kthehet terapisë bashkëshortore". Para disa ditësh ai ka kërkuar nga ajo t’ia kthej një të katërtën e milionit të paguar, në të cilën gjë studentja i ka thënë të mos mërzitet sepse do t’ia kthejë. Tani Dylan është kthyer sërish në treg, derisa ankandi për virgjërinë e saj vazhdon sërish.

ARABI
Arabia Saudite zgjedh Miss-in ndryshe
Vajza që duhet të jetë Miss në Arabinë Saudite ndryshon shumë nga ato që zgjidhen në pjesën tjetër të botës. Ajo duhet të jetë para së gjithash e bindur dhe të respektojë prindërit, sidomos nënën. Pamja fizike, apo format nuk u interesojnë shumë njerëzve në Riad. Konkursi "Miss Arabia Saudite" që do të zgjedhë mbretëreshën e bukurisë. Konkursi lidhet me aftësitë e vajzave konkurente për të thithur moralin islam, ndërsa bukuria nuk është domosdoshmëri. 200 konkurente për 10 javë do të zhvillojnë kurse me tema; si të zbulimit të forcës së brendshme, marrjen e iniciativës, etj dhe në fund një komision do të zgjedhë finalistet. Vajzat që do t’u binden prindërve do të shkojnë në finale.

SHBA
Zbulim i rëndësishëm për fertilitetin
Një vezore humane është krijuar në laborator nga fragmente të ndryshme vezoresh, duke arritur tek krijimi i një veze nga një gjendje imunitare, e cila është e gatshme për fekondim. Trajtimet kundër kancerit mund të shkatërrojnë vezët tek femrat dhe në këto raste një vezë artificiale do rikthente pjellorinë tek femrat. Për momentin, vetëm vezët e rritura mund të ngrihen para trajtimit, por nëse është e mundur të zhvillohet një vezë jashtë trupit të femrës, mund të konservohen vezë të cilat mund të përdoren në një moment të dytë. Ky kërkim është udhëhequr nga një grup shkencëtarësh amerikanë të spitalit në Rhode Island dhe rezultatet janë prezantuar në një konferencë të “Neë England Fertility Society”.

KENIA
Greva e seksit, një burrë kenian kërkon dëmshpërblim
Vendimi i grave keniane për të zhvilluar një grevë seksi nuk është pritur mirë nga bashkëshortët e tyre. Një kenian ka kërkuar dëmshpërblim për dëmet e shkaktuara për shkak të refuzimit të së shoqes për të kryer marrëdhënie. "Që pas hyrjes në grevë, ime shoqe më ka mohuar të drejtat si bashkëshort dhe kjo më ka shkaktuar ankth dhe pagjumësi”, ka treguar keniani. Greva u shpall nga shoqatat feministe të Kenias, në përpjekje për të detyruar meshkujt t’i jepnin fund luftës politike dhe për të zbatuar reformat ekonomike dhe politike. Organizatorët thanë se greva rezultoi e suksesshme dhe nismës së tyre iu bashkua edhe bashkëshortja e kryeministrit Raila Odinga.

SHBA
Zbulohet super diamanti, 500 karat
Ka mbërritur nga një minierë në Lesotho një nga diamantët më të mëdhenj në botë. Ai u gjet në 8 shtator dhe u analizua ditët që pasuan gjetjen në një laborator në Anversa. Guri i çmuar është 478 karat, por ajo që e bën unik, sipas ekspertëve është ngjyra dhe pastërtia. “Besojmë se bëhet fjalë për një nga diamantët e paktë në botë për nga madhësia, por ajo që godet këtë radhë është cilësia e jashtëzakonshme”-ka thënë sot Neil Buxton, një nga ekspertët e ËËË International Diamond Consultants në Anversa. Ngjyra është e bardhë e jashtëzakonshme, aq sa të verbon dhe ka shumë mundësi që të jetë rasti i parë në botë i një diamanti superior, 100 karat të ngjyrës D.


SHBA
Publikojnë thirrjen për atentat të presidentit të SHBA-së
Një gazetë e vogël nga Pennsylvania “Ëarren Times Observer” ka
kërkuar falje për shkak të publikimit të një shpallje e cila ka bërë thirrje për vrasjen e presidentit amerikan Barack Obama.
"Le të vazhdojë edhe Obama rrugën të cilën e kanë ndjekur Lincoln, Garfield, McKinley e Kennedy", ka shkruar në atë shpallje duke implikuar në atentatet në këta ish presidentë amerikanë. Njëri prej botuesve të kësaj gazete, John Elchert, ka thënë se disa prej të punësuarve në njësinë e shpalljeve nuk kanë qenë në njohuri me lidhjen historike në mes të presidentëve të përmendur, shkruajnë mediet botërore. Gazeta e cila del në 11 mijë kopje në ditë ia ka dorëzuar rastin policisë dhe shërbimeve sekrete të cilat tani do të duhej të hulumtojnë.

SUEDI
Tinejxheri zgjidh enigmën 300 vjet të vjetër
Tinejxheri me prejardhje irakiane ka arritur të zgjidh një detyrë matematikore rreth së cilës janë munduar mendjet më të mëdha të botës gjatë 300 viteve të fundit. Mohamed Altoumaimi, tani 16 vjeçar, i cili me prindërit e tij është zhvendosur nga Iraku në Suedi kur ka qenë gjashtë vjet, i janë dashur gjithsej katër muaj për të gjetur formulën për problemin matematikor i njohur si “Numrat e Bernulit”. Kur e ka parë se profesorët e tij ishin skeptik me rezultatet që ky i kishte arritur, ky tinejxher kishte kontaktuar profesorët e universitetit e njohur suedez Uppsala. Profesorët e impresionuar kanë vërtetuar se zgjidhja është e saktë dhe i kanë ofruar Altoumaimit pozitën e ligjëruesit në këtë universitet prestigjioz suedez

SHBA
29 vjeçari ka 21 fëmijë dhe 11 gra!
Desmond Hatchett është vetëm 29 vjet, ka 21 fëmijë me 11 gra të ndryshme. Fëmija më i vogël sapo i ka lindur, derisa më i madhi është 11 vjet, shkruan gazeta britanike “The Telegraph”.
"Thjesht ka ndodhur”, ka thënë babai krenar nga Tennessee i cili ka përfunduar në gjyq, sepse nuk kishte paguar alimentacionin për fëmijët e tij. Është interesante që gjatë një viti i kanë lindur katër fëmijë, një nënë me të i ka dy fëmijë, derisa mediat e kanë quajtur rekorderin amerikan. "Desmondi nuk mund të përkujdeset për të gjithë fëmijët, prandaj shteti Tennessee duhet të angazhohet", ka thënë Kieth Pope, avokati i Desmondit. Babai krenar në fund u ka thënë gjykatësve se nuk do të ketë më fëmijë.


TURQI
Një autobus me 15 krevate për një familje me 17 fëmijë

Një familje e madhe ka nevojë për një autobus të madh, një autobus me vërtetë të madh, me 15 shtretër, i cili shërbente për transportin e skuadrës së hokeit, e cila u shpërbë. Kur skuadra shënoi rënien e saj në maj, Fred Minnie postoi një reklamë në gazetë në përpjekje për t'i shitur autobusin ndonjë magazine automjetesh. Ai mori një telefonatë nga Jim Bob dhe Michelle Duggar, fëmija i 17-të, i të cilëve kishte ardhur në jetë më dy gusht. "Nuk ka shumë autobuzë më 15 krevatë brenda", u shpreh Minnie, i cili nuk pranoi të bënte publik çmimin. Familja, e cila përbëhet gjithsej prej 19 vetësh jeton në një shtëpi prej 650 kilometrash katrorë në veriperëndim të qytetit Tontitoun në Arkansas dhe Jim.

NAMIBI
Vajza nga Nabia, miqësi të ngushtë me kafshët e egra
Tippi Degre, vajza e dy francezëve, të cilët vendosën të linin FrancëN për të jetuar në Namibi në vitin 1990, ka një lidhje të ngushtë me kafshët e egra. Që kur ishte 10-muajshe, ajo ka filluar të eksploronte natyrën e Namibisë. Për dhjetë vjet me radhë, Tippi është sorollatur në pyll me këmbë të zbathura duke bërë miqësi me gjithë llojet e kafshëve: leopardët, babuinët, gjarpërinjtë, mangustat etj. Sheshi i saj i lojërve ishte shkretëtria e Afrikës jugore dhe një ndër miqtë e saj ishte elefanti 28-vjeçar, Abu, të cilin Tippi e quan "vëllai im". Kështu ajo ka krijuar miqësi pothuajse me të gjitha kafshët e egra.

SHBA
Ëndrra juaj mund të bëhet realitet
A keni menduar ndonjëherë të udhëtoni në bordin e "Enterprise" me shpejtësinë e dritës ose ta kaloni atë? Ëndrra juaj mund të bëhet realitet. Dy shkencëtarë amerikane po studiojnë mundësinë për të arritur një udhëtim që ta kalojë shpejtësinë marramendëse, të provuar deri më sot në sagën e "Star Trek". Studimi deri tani duket optimist, pasi nuk bie në kundërshtim me asnjë ligj të fizikës. Sipas "Science Daily" dy fizikantët amerikanë po punojnë të bërë realitet atë ëndërr fanta-shkencore. Ata janë të bindur se duke manipuluar një porcion hapësire përmes një përqëndrimi shumë të madh energjie mund të arrihet në krijimin e një "flluske" në gjendje që të shtyjë anijen kozmike me një shpejtësi më të madhe krahasuar me atë të dritës.

RUSI
Një “udhëtim” drejt planetit Mars
Shkencëtarët rusë kanë gjetur një mënyrë mjaft origjinale për të simuluar një situatë të ngjashme me një udhëtim të mundshëm drejt planetit Mars. Në afërsi të Moskës është ndërtuar një anije kozmike jo e vërtetë ku disa astronautë do jetojnë 105 ditë për të studiuar efektet e organizmit të njeriut gjatë një udhëtimi kaq të gjatë. Anija hapësinore është quajtur “Nek” dhe në të janë izoluar që prej 31 marsit disa astronautë për një “udhëtim” 105 ditor. Ky studim mund të jetë shumë i rëndësishëm për projektet e ardhshme që synojnë uljen e njerëzve në sipërfaqen e Marsit, planeti më i mundshëm i sistemit tonë diellor ku mund të zhvillohet jeta.

Mare nga Tirana Obsverber.