Lushnje- Dyshimet e familjareve per nje lidhje jashtemartesore, dhuna nga kunati dhe depresioni, dyshohet se kane cuar nje 34-vjecare nga fshati Cerme i Lushnjes, deri ne veteflijim. Miranda Isaku, ka nderruar jete disa ore pas mberritjes ne spitalin e rrethit, mbremjen vone te se dieles, pasi kishte pire nje "koktejl" ilacesh, qe vjehrri i perdorte per kurimin e semundjeve te moshes. Policia vendore arrestoi pas ngjarjes 49-vjecarin Ilmi Isaku, per vepren penale te "shtytjes ne vetevrasje", pasi pak ore para ngjarjes kishte keqtrajtuar kunaten e tij ne nje dyqan te fshatit, (gruan e vellait), duke e akuzuar per lidhjen e dyshuar me nje djale te fshatit. E prekur nga ky ofendim publik, 34-vjecarja i ka dhene fund jetes dhe nuk ka mundur te mbijetoje.
Ngjarja
Rreth ores 18:00 te se dieles, familjaret kane gjetur ne gjendje shoku, Miranda Isakun, ne dhomen e saj te gjumit. Bashkeshorti ka njoftuar menjehere te afermit dhe e kane derguar me urgjence ne spital. Por disa ore me pas, rreth mesnates, 34-vjecarja ka nderruar jete si pasoje e konsumimit te sasive te medha te ilaceve, qe kishte perdorur per flijimin ne kushtet e depresionit. Per ngjarjen eshte njoftuar edhe Policia e Lushnjes, ndersa nje grup hetimor verifikoi te dhenat e para. Ekspertet dhe mjeket konstatuan se Isaku kishte perdorur lloje te ndryshme ilacesh qe i mbante ne sirtarin e tij vjehrri i te ndjeres, i cili vuante nga semundjet e moshes se thyer. Pas autopsise dhe ekspertizes paraprake, trupi i eshte dhene familjareve te se ndjeres, per ceremonine mortore. Mjeket thane se ka qene e pamundur mbajtja ne jete e pacientes, pasi kishte mberritur ne gjendje kome dhe me shume vonese, kur ilacet kishin vepruar ne organizem.
Hetimet
Prangat kane rene menjehere pas verifikimeve per ngjarjen, mbi 49-vjecarin Ilmi Isaku, kunati i Mirandes, i cili pasditen e se dieles e kishte rrahur ate ne nje dyqan te fshatit, duke e akuzuar edhe per nje lidhje jashtemartesore. Deshmitare te shumte kane degjuar 49-vjecarin qe i thoshte te ndjeres, se kishte turperuar familjen dhe e kishin pare teksa e qellonte. Burime zyrtare te policise konfirmuan rrethanat, duke u shprehur se kjo ngjarje ka ndikuar se tepermi ne gjendjen shpirterore te 34-vjecares, e cila nuk e ka pranuar akuzen. Teksa ka shkuar ne banese, ajo ka ndermarre aktin e flijimit larg syve te familjareve qe e gjeten me vonese ne agoni. Duke hetuar per rrethanat, agjentet moren edhe deshmine e familjareve te tjere. Dyshohet se vjehrri i Mirandes, e kishte pare po kete dite nusen me nje djale te fshatit larg shtepise, duke menduar per flirtin e saj dhe tradhtine bashkeshortore. Ai i ka rrefyer djalit te madh, Ilmiut dhe jo atij qe kishte per burre 34-vjecarja. Dy vellezerit jetonin se bashku me babane ne nje banese dhe mesohet se i ndaluari kishte pasur edhe me pare mosmarreveshje me kunaten dhe keto informacione, po verifikohen. Policia u shpreh se po mblidhen te dhena te tjera qe mund te zbulojne shkaqet e ngjarjes dhe rrethanat ne te cilat ndodhi.
Xhemil Beharaj
Marr nga gazeta kohajone