Sulmohet në Itali për racizëm balerini shqiptar Kledi Kadiu

Sipas një sajti italian, mësohet se gjatë pasdites së djeshme është sulmuar në romë, balerini shqiptar Kadiu Kledi, imazh i njohur televiziv dhe idhull i adoleshentëve në këtë vend. Sipas po këtij sajti, agresioni mund të ketë ndodhur në Appia, ku Kledi zhvillonte në shkollën e tij të vallëzimit fundin e vitit në prezencën e familjarëve të balerinëve të ardhshëm. Papritur, Kledi ka vënë re se në mes të turmës ndodheshin dy individë me një videokamër. I afrohet, dhe kërkon shpjegime. Njëri prej dy personave u largua ndërsa tjetri ka sulmuar dhe ka fyer balerinin e njohur Kledi,duke i vënë duart në grykë dhe duke bërtitur: ”Shqiptar m...të dërgoj në Shqipëri”.
Rrëfimi i Kledit
“Isha duke bërë një diskutim me prindërit siç veproj çdo vit, ka treguar tek Tg5 balerini shqiptar. Kam parë dy, tre persona që po filmonin me kamerë, i kam ndalur. Dy prej tyre janë larguar me kamerën, ndërsa njëri prej tyre më ka shtrënguar fort, më ka vënë duart në grykë duke më përplasur në tavolinë dhe duke më thënë fraza fyese për origjinën time: "Shqiptar m.. tani do të dërgojmë në Shqipëri". Kledi tregon se ka është “ndihmuar nga dy prej prindërve, ndërsa 50 të tjerë janë dëshmitarë të kësaj ngjarje”. Kryebashkiaku Alemanno sapo është informuar për këtë ngjarje ka shprehur solidaritetin për balerinin “artisti që arrin dhe nderon vendin tonë. “Besoj është shprehur kryebashkiaku, ka ardhur momenti të lëshojmë një apel për të gjithë eksponentët politikë të të dyja krahëve politike derisa në vendin tonë të eliminohet çdo lloj dhune dhe padrejtësi”.

gazeta sot