Flijohet me dalte ne zemer
Lushnje- Nje 49-vjecar, baba i tre femijeve, i ka dhene fund jetes ne menyren me tragjike. Varferia dhe pamundesia per te mbajtur familjen, dyshohet se kane cuar Hysen Kasapin te vetevritet duke ngulur nje dalte marangozi ne zemer. Ngjarja ka ndodhur oret e vona te mbremjes se marte ne fshatin Saver te Lushnjes, ndersa familjaret e kerkonin pasi ishte larguar nga shtepia, ne fshatin Karbunare. Burime zyrtare konfirmuan lajmin dhe bene me dije se edhe me pare viktima ishte larguar nga banesa, ndersa shkak i flijimit eshte bere depresioni.
Trupi i pajete i 49-vjecarit Hysen Kasapi eshte gjetur nga familjaret ne kasollen e ndertuar nga viktima ne tokat e tij qe gjenden ne fshatin Saver te Lushnjes. Te afermit i thane policise se banonin ne Karbunare dhe se prej disa oresh kerkonin Hysenin qe ishte larguar nga shtepia pa adrese. Ne vendngjarje ka shkuar edhe nje grup hetimor qe beri keqyrjen e kufomes. Burime zyrtare bene te ditur se per te kryer aktin, 49-vjecari kishte perdorur nje nga daltat qe mbante ne kasolle. Pas kontrollit te bere nuk jane verejtur shenja te dhunes ne trup qe te ngrinin dyshime per nje vrasje te mundshme. Sipas eksperteve, trupi u gjet permbys, me doren e majte poshte dhe nje dalte e mprehte marangozi e futur ne drejtim te zemres, qe i kishte dale pas shpine. Kufoma eshte derguar drejt morgut te spitalit Lushnje per nje ekspertize mjeko-ligjore.
Oficeret e Policise Gjyqesore si dhe prokurori i gatshem kane marre ne pyetje familjaret e te ndjerit per shkaqet e aktit. Mesohet se cifti kishte tre femije, njerin prej te cileve prej disa vitesh te semure. Familja Kasapi jetonte ne kushte te veshtira ekonomike, ndersa 49-vjecarit i duhej qe perdite te dilte nga shtepia per te punuar.
"U largua nga shtepia si cdo mengjes per te punuar ne tokat qe kemi ne fshatin Saver, por pasdite u vonua dhe nisem ta kerkojme", ka deshmuar bashkeshortja e viktimes. Po keshtu te afermit kane pohuar se Hyseni prej kohesh vuante nga nje gjendje depresive. Nderkohe qe tre muaj me pare 49-vjecari ishte larguar per nje jave nga familja dhe me pas ishte rikthyer. Prej vitesh familja Kasapi vuante gjendjen e veshtire ekonomike, qe mendohet sipas hetuesve te kete qene shkaku kryesor edhe i flijimit, dy dite me pare.
Xhemil Beharaj
Gazeta: Koha jone