Fatos Nano fiton gjyqin ndaj revistes italiane "L'Espresso" Merr 3 milion euro.

Fatos Nano fiton gjyqin ndaj revistes italiane "L'Espresso" Merr 3 milion euro.




Fatos Nano fiton gjyqin kundër një reviste të njohur italiane dhe tre gazetarë të saj u dënuan secili me nga një vit e gjysmë burg nën akuzën e shpifjes.

Gjithçka ka ardhur pas një shkrimi që “L’Espresso”, e përjavshme italiane, publikoi disa vite më parë me titullin “Il Padrino dell’Albania….” Në procesin penal kundër “Gruppo Espresso S.p.a”, palë e lënduar ishte ish – Kryeministri Fatos Nano i përfaqësuar nga Studio Ligjore Italiane me Av. Massimo Pisani dhe Av. Engjëll Agaci të Dhomës së Avokatëve të Romës. Gjykata e Romës e dha vendimin në procesin e ngritur në vijim të denoncimit për shpifje të ish- kryeministrit Z. Fatos Nano, kundër të përjavshmes italiane “L’Espresso” në lidhje me artikullin e publikuar në datën 2 Gusht 2002 me titull “Il Padrino dell’Albania….” Vendimi i dhënë nga Gjykata e Romës parashikon dënimet kundër katër të pandehurve si më poshtë:

1 vit e 6 muaj burg për Daniela Hamaoui – Drejtore e “L’Espresso”.

1 vit e 6 muaj burg për Claudio Pappaianni – Gazetar, autor i artikullit

1 vit e 6 muaj burg për Dina Nascetti – Gazetare, autor i artikullit

1 vit e 6 muaj për Giuseppe Rolli – Gazetar, autor i artikullit

Për sa i përket kërkesës së dëmshpërblimit prej 3 milionë euro, gjykata mbasi vendosi të drejtën e dëmshpërblimit të Z. Nano, që do të përballohet nga 4 gazetarët dhe Grupi Editorial Espresso, vendosi gjithashtu t’ia kaloj për kompetencë mbi vlerësimin e masës së dëmit Gjykatës Civile të Romës.Një dënim i tillë në Itali është i pa precedent deri më sot.

Edhe ky vendim - ashtu si ai i mëparshmi i dhënë nga Gjykata e Milanos – komenton Nano, - hodhi poshtë në mënyrë definitive, shpifjet dhe akuzat e publikuara në shtypin italian ndaj ish – kryeministrit Z. Fatos Nano, duke afirmuar edhe një herë integritetin e figurës së tij të lidhur me kontributin historik politik, jo vetëm në zhvillimin e Shqipërisë në demokraci, por edhe të marrëdhënieve të saj të gjithanshme e preferenciale me Italinë fqinje, me autoritetet, sipërmarrjen dhe popullin e saj, të vlerësuar në mjaft raste edhe nga shtypi i madh italian.

Burimi / Autori i lajmit : ShtypiDites